Pamior piśmieńnik, vykładčyk, šmathadovy staršynia mahiloŭskaj arhanizacyi Tavarystva biełaruskaj movy Jarasłaŭ Klimuć. Jamu byŭ 81 hod, i jahonyja ŭzrostavyja chvaroby ŭzmacniła zachvorvańnie na kavid.
Pra śmierć Jarasłava Klimucia paviedamiŭ u Fejsbuku mahiloŭski navukoviec i hramadski aktyvist Alaksandr Ahiejeŭ. Pavodle jaho, u asobie Klimucia «Mahiloŭščyna zhubiła addanaha biełaruskaj spravie patryjota, šlachietnaha i vysakarodnaha čałavieka, abaroncu i abudžalnika biełarusaŭ».
Jarasłaŭ Klimuć naradziŭsia 1 kastryčnika 1940 hoda ŭ miastečku Vostrava Vaŭkavyskaha rajona. U 1959-1962 hadach słužyŭ u vojsku, a zatym vučyŭsia na fiłałahičnym fakultecie BDU. U 1975 hodzie pačaŭ pracavać u Mahiloŭskim dziaržaŭnym piedahahičnym instytucie, z 1986 pa 2000 hod byŭ dekanam fiłałahičnaha fakulteta.
Akramia taho, Jarasłaŭ Ivanavič aktyŭna ŭdzielničaŭ u hramadskim žyćci Mahilova i ŭsioj krainy. Z 1996 hoda byŭ siabram Sajuza biełaruskich piśmieńnikaŭ, adnym z zasnavalnikaŭ Tavarystva biełaruskaj movy i šmathadovym kiraŭnikom abłasnoj supołki arhanizacyi. Alaksandr Ahiejeŭ nazyvaje jaho «znakavaj postaćciu Mahiloŭščyny 1990-2010-ch hadoŭ».
Dziakujučy namahańniam Klimucia byli ŭstalavanyja miemaryjalnyja doški ŭ honar atrymańnia mahdeburhskaha prava ŭ Białyničach, Čerykavie, Čavusach. I luby mahiloviec, jaki źviartaŭsia da Jarasłava Ivanaviča ź biełaruskimi spravami, moh raźličvać na jaho padtrymku.
Raźvitańnie ź Jarasłavam Ivanavičam Klimuciem adbudziecca ŭ paniadziełak, 20 červienia, z 11.00 da 13.00 u rytualnaj zale pa vulicy Čaluskincaŭ, 62 u Mahilovie.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Nad hałavoj opiera visieŭ partret Stalina». Vialikaja hutarka z vykładčycaj Natallaj Dulinaj pra hopnikaŭ z HUBAZiKa i Kaleśnikavu. I važnuju paradu dla ŭsich
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
Kamientary