Pryznańnie deputat zrabiŭ u prahramie «Skažiniemołči» na Biełaruś-1, piša belarus.kp.ru.
«Ja b nie chacieŭ u hetuju temu apuskacca, tamu što liču, što tam, dzie jość dzieci, jany zaŭsiody heta chvaravita ŭsprymajuć, — zaŭvažyŭ Hajdukievič u prahramie «Skažiniemołči» na kanale «Biełaruś 1». — Skažu tolki adno: ja liču siabie dobrym baćkam. Napeŭna, ja budu dobrym dziadulem. Ale ja nie samy dobry muž. U siłu, moža być, svajho charaktaru i pracy.
Viadoma, što sa svajoj žonkaj Maryjaj Aleh Hajdukievič paznajomiŭsia ŭ minskim «Medysan kłubie» na pačatku 2000-ch.
Pavodle jaho słoŭ, jon nie viedaŭ, što jana dačka na toj momant staršyni Dziaržkamiteta pa kaštoŭnych papierach Respubliki Biełaruś Valancina Šuchno. Da taho ž u Minsku jana ŭ toj čas užo nie žyła, a pierabrałasia ŭ Amieryku, i pryjechała na radzimu tolki aformić dakumienty i zabrać z saboj maci. A ŭ vyniku vyjšła zamuž za opierupaŭnavažanaha ABEZ Frunzienskaha RUUS Aleha Hajdukieviča i zastałasia ŭ Minsku.
Bankir pa prafiesii, Maryja paśla zamužža i naradžeńnia dźviuch dačok pamianiała śfieru dziejnaści — stała vykładčycaj johi, adkryła svaju studyju.
Pryčyny rasstavańnia z žonkaj Aleh Hajdukievič nie ahučyŭ. Chto byŭ inicyjataram razvodu, taksama nie skazaŭ. Adnak zaŭvažyŭ, što nikoli nie budzie «tryvać mužykoŭ, jakija palivajuć brudam svaich žonak».
— Heta žudasna, bo jak ty tady žyŭ? — reziumavaŭ Hajdukievič.
Adznačym, što ŭ žniŭni 2020 hoda Hajdukievič kazaŭ, što jahonaja žonka brała ŭdzieł u antyłukašenkaŭskich prademakratyčnych akcyjach pratestu.
«Prybirać ludziej z vulic nie treba, heta niapravilna. Kožny maje prava vykazvać svoj punkt hledžańnia. Adkryju adzin sakret: u niadzielnym maršy za mir udzielničała maja žonka. <…> Maja žonka — moj prychilnik. Jana išła suprać hvałtu. I mnohija ludzi išli tam suprać hvałtu. Ja byŭ doma, ź dziećmi. Ja jaje nie asudziŭ, a padtrymaŭ. Ja razumieju jaje pačućci: jana adkryła internet, pahladzieła, što rabiłasia na našych vulicach, što biełarusy vyjšli suprać biełarusaŭ, kroŭ. Jana płakała, baluča da hetaha pastaviłasia», — raskazvaŭ Hajdukievič.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj30
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary