Biełarusy znoŭ mohuć uvozić elektramabili biez spłaty mytu, ale jość niuasy

Praź nieparazumieńni ludziam, jakija ŭvozili elektramabili z-za miažy, davodziłasia vybirać: spłočvać myt u pamiery 15% ad mytnaj cany aŭto ci pakidać mašynu na płatnaj parkoŭcy ŭ čakańni, kali mytnia vyznačycca, što za dakumient jany patrabujuć i, hałoŭnaje, dzie jaho šukać.

Vychad ź situacyi znajšoŭsia pryblizna paśla dvuch miesiacaŭ ad pačatku dziejańnia ŭkaza. Ciapier dla dla taho, kab skarystacca lhotaj, vam dastatkova zajavić ab hetym u pasažyrskaj mytnaj dekłaracyi. Dalej usim nieabchodnym zajmajucca dekłaranty i supracoŭniki mytni. 

Pry ŭmovach impartu elektramabila z vykarystańniem ilhot, ułaśnik musić spłacić tolki ŭtylizacyjny zbor — 544-1225 rubloŭ (u zaležnaści ad uzrostu aŭto). Zaŭvažym, što pad nulavuju staŭku možna ŭvozić elektramabili luboha ŭzrostu. 

Pavialičyć

Kali vy chočacie skarystacca mahčymaściu biazmytnaha ŭvozu elektrakara, treba viedać, što nie dapuskajecca pieradača pravoŭ vałodańnia, karystańnia i rasparadžeńnia hetym aŭtamabilem asobam, jakija majuć hramadzianstva i / abo pastajanna žyvuć u Rasii. Zabarona na prodaž aŭto ŭ RF dziejničaje 3 hady. 

Ale taki elektramabil možna bieź jakich-niebudź abmiežavańniaŭ pradavać i pieradavać hramadzianam Biełarusi. 

Kali vy chočacie ŭvieźci elektramabil i paśla pierapradać jaho ŭ Rasiju, to vam daviadziecca spłacić pošlinu ŭ 15%. U vypadku, kali havorka idzie pra aŭto, starejšaje za 5 hod, to da hetaha 15% mytu treba dadać 20% PDV.

Asoby, jakija padpadajuć pad dziejańnie ŭkaza №140, razmytnivajuć elektramabili pa staŭcy 7,5% ad mytnaha koštu, kali z momantu vypusku aŭto prajšło mienš za 5 hod. Kali bolš, to 7,5% plus 10% PDV.

Elektrakary, razmytnienyja z dapamohaj ukaza №140, nie majuć nijakich abmiežavańniaŭ pa adčužeńni.

Ilhotny pieryjad budzie dziejničać da 31 śniežnia 2023 hoda. Zhodna z dakumientam, u Biełaruś biez apłaty mytu možna budzie ŭvieźci nie bolej za 25 tysiač elektrakaraŭ: 10 tysiač u 2022 hodzie i 15 tysiač u 2023-m.

Tyja, chto paśpieŭ uvieźci aŭtamabil u pieryjad, kali lhoty ŭžo dziejničali, a skarystacca imi faktyčna było niemahčyma, majuć prava viarnuć hrošy. Dla hetaha treba źviartacca z zajavaj u rehijanalnuju mytniu abo niepasredna na post, dzie adbyvałasia mytnaja ačystka. Paśla čaho mytnia budzie razhladać zajavu i ŭnosić źmieny ŭ mytnuju pasažyrskuju dekłaracyju. Praces viartańnia hrošaj moža doŭžycca ad 2 tydniaŭ da miesiaca. 

Važna, što paśla viartańnia hrošaj, aŭtamabil budzie niemahčyma pradavać u RF ciaham troch hod.

Dekłaranty kažuć, što mnohija, kali daviedvajucca pra zabaronu na prodaž elektrakara ŭ Rasiju, admaŭlajucca ad viartańnia hrošaj.

Čytajcie taksama:

Ekanomija składaje tysiačy dalaraŭ. Kupla i pryhon aŭto ź Jeŭropy i ZŠA — što varta viedać

Biełarusy pieraklučylisia na darahija aŭto ź Jeŭropy i ZŠA. Čamu tak?

• 7
• 0
• 6
• 3
• 1
• 0
• 3
• 0