Połacki trenier raniej prysabiečvaŭ tytuły, a ciapier nanios sabie i padapiečnym litary Z na cieły
Dyrektar połackaha spartyŭnaha kłuba «Patryjot» Siarhiej Firsaŭ sfatahravaŭsia razam z padapiečnymi na bierazie mora ŭ Krasnadarskim krai. Na zdymkach trenier i padletki pazirujuć z naniesienaj na cieła litaraj Z — simvałam, pad jakim Rasija ździejśniła napad na Ukrainu, piša Tribuna.com
Nazyvaje siabie čempijonam śvietu
Na sajcie spartkłuba «Patryjot» možna daviedacca, što Firsaŭ paśpiavaje treniravać adrazu ŭ šaści vidach adzinaborstvaŭ — samba, bajavoje samba, dziudo, samaabarona, hreplinh i MMA.
Spartyŭnyja zasłuhi Firsava, jakija pieraličanyja na ŭsio tym ža sajcie, taksama ŭražvajuć. Da prykładu, tam śćviardžajecca, što pałačanin «piacirazovy pieramožca Kubka śvietu pa dziudo», choć u śpisie realnych pieramožcaŭ jaho niama. Taki rossyp tytułaŭ robić ź Firsava zorku suśvietnaha sportu, adnak u spartyŭnaj supolnaści jon nie ličycca topavym bajcom.
U inšych publikacyjach Firsava kolkaść tytułaŭ navat uzrastaje. U studzieni 2021-ha ź jaho Instagram stała viadoma, što dyrektar «Patryjota» ŭžo maje zołata čempijanatu śvietu pa samba.
Jak akazałasia, zvańnie čempijona śvietu Firsaŭ prypisaŭ sabie za pieramohu ŭ 2020 hodzie na spabornictvie pad sumnieŭnaj nazvaj «Čempijanat śvietu pa samba siarod majstroŭ na pryzy Sajuznaj dziaržavy», jakoje nie maje ničoha ahulnaha z sapraŭdnym čempijanatam śvietu. ČS-2020 prajšoŭ u sierbskim Novi-Sadzie, dzie ŭ vahavoj katehoryi Firsava (da 100 kh) zołata ŭziaŭ biełarus Andrej Kazusionak. Adnak hety fakt nie pieraškadžaje kiraŭniku «Patryjota», padpisantu lista za Łukašenku, prypisvać sabie čužyja dasiahnieńni.
Łahatypam kłuba ŭziaŭ pierarobleny dziaržaŭny hierb
Połacki kłub «Patryjot» nie prosta znachodzicca pad kiraŭnictvam Firsava, ale taksama nosić jaho imia. Jon zaviecca — bajcoŭski kłub imia Siarhieja Firsava. U arhanizacyi jość łahatyp, za asnovu jakoha dyrektar uziaŭ dziaržaŭny hierb.
Pastupiŭšy takim čynam, Firsaŭ parušyŭ zakanadaŭstva. U adpaviednaści z artykułam 10 zakona «ab dziaržaŭnych simvałach», zabaroniena vykarystoŭvać hierb u jakaści asnovy hieraldyčnych simvałaŭ lubych hramadskich abjadnańniaŭ. Parušeńnie pahražaje štrafam da piaci bazavych vieličyń (160 rubloŭ).
Zdymaje tyktoki
Firsaŭ sam pravodzić treniroŭki dla dziaciej. Naprykład, vučyć abaraniacca ad udaru nažom abo supraćstajać sapierniku, jaki maje namier vychapić pistalet. Taksama połacki «Patryjot» sprabuje siabie ŭ humarystyčnym žanry, vykładvajučy videa ŭ TikTok.
Dva hady tamu byŭ va ŭkrainskim łahiery
A jašče dva hady tamu Firsaŭ i jaho padapiečnyja adpačyvali na ŭkrainskich bierahach Čornaha mora. U 2020-m «Patryjot» znachodziŭsia ŭ spartyŭnym łahiery «Kiraviec», raźmieščanym u Mikałajeŭskaj vobłaści. Hety rehijon ciapier častkova zachopleny rasijskimi vojskami, a jaho administracyjny centr padviarhajecca štodzionnym abstrełam z artyleryi i minamiotaŭ, a taksama rakietami.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju12
Kamientary