Harbuzy — charastvo vosieni. Jarki i vitaminny harbuzovy sup — adzin z najlepšych dla chałodnaha siezonu.
Fota: BBC Food
Dla harbuzovaha supu vam spatrebicca:
- 1 vialikaja cybulina (narezanaja)
- 2 morkvy (zdymicie ź ich skuru i narežcie)
- 2 zubki časnaku
- 1 łaŭrovy list
- 25 hramaŭ masła
- 2 stałovyja łyžki aleju
- 1 siaredni harbuz z prykładnaj vahaj 850 hramaŭ (dastańcie ź jaho nasieńnie i narežcie miakać)
- 1 bulbina siaredniaha pamieru, pažadana z vysokaj kolkaściu kruchmału
- 1 litr raślinnaha ci kurynaha bulonu (mahčyma, spatrebicca krychu bolš), ale možna i bieź jaho
- 100 mililitraŭ viarškoŭ z 20-33% tłušču ŭ składzie
- 3 stałovyja łyžki harbuzovaha nasieńnia
- sol i pierac
- možna trochi imbiercu
- vielmi dobra harbuzovy sup dapaŭniaje śviežaja mielisa (trava-limonka)
- padavać dobra z padsušanym niesałodkim biełym chlebam ci krutonami
- Pakładzicie ŭ vialikuju kastrulu cybulu, morkvu, časnok, łaŭrovy list, masła i pałovu aliŭkavaha aleju. Varycie sumieś na słabym ci siarednim ahni prykładna 10 chvilin, pakul harodnina nie stanie miakkaj, ale jana nie pavinna źmianić svoj koler.
- Dadajcie miakać harbuza i bulbu, pieramiašajcie i varycie jašče 2—3 chviliny. Dadajcie bulon, dobra prypraŭcie sollu i piercam i daviadzicie da kipieńnia. Pamienšycie ahoń, kab sumieś słaba kipieła, nakryjcie kastrulu napałovu viečkam i praciahvajcie varyć sup jašče kala 40 chvilin. Praviarajcie hatoŭnaść na miakaci harbuza z dapamohaj naža — harodnina pavinna pamiakčeć.
- Prybiarycie z kastruli łaŭrovy list, pieralicie ŭ blendar, dadajcie krychu imbiercu i mielisu i ŭźbicie sup u blendary da adnastajnaści.
- Pieralicie sup ź blendara nazad u kastrulu, dadajcie viarški i, kali sup zanadta husty, trochi bulonu ci vady. Pakaštujcie sup i dadajcie jašče krychu soli i piercu, kali treba.
- Razahrejcie ŭ patelni reštu aleju, dadajcie tudy harbuzovaje nasieńnie i chutka padsmažcie jaho, pakul siemiečki nie pačnuć padskokvać na patelni. Zdymicie nasieńnie z patelni.
- Raźlicie sup pa miskach i padavajcie ź viarškami, padsmažanym nasieńniem, padsušanym biełym chlebam ci krutonami
Recept na vychadnyja: harbuzovy čyzkiejk
Recept na vychadnyja: try stravy z avakada
Hastryt: jak paźbiehnuć siezonnaha abvastreńnia
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
«A tariełka takaja ohromnaja vierojatno dla toho, čtoby podčierknuť, čto diefłopie na Ziemle očień mało i čto ono očień dorohoje. I čto vot etoho mało dostatočno, čtoby ono stoiło 64 dołłara.» (s)