«Kamaroŭka bandytaŭ, bahiema i stračanaje pakaleńnie, jaŭrei i zabojca Kienedzi: top-7 knih pra Miensk i Minsk». Novaje videa na kanale Andreja Chadanoviča 

U hetym vypusku Andrej Chadanovič raskazvaje:

• što za Tavarystva amataraŭ vypić i zakusić (TAVIZ) i kali jano isnavała ŭ Miensku;
  
  
• chto redahavaŭ vieršy Niaklajeva i Chadanoviča i što było na kultavaj kvatery hetaha čałavieka;
  
  
• jak skłaŭsia psieŭdanim Sierža Minskieviča;
  
  
• čamu čałaviekam, estetyčna ŭpisanym u horad, składaniej manipulavać i trymać za bydła i narodziec;
  
  
• jak hieroi Piasieckaha žyvuć pa paniaćciach, ale z abvostranym pačućciom spraviadlivaści.

7. Siarhiej Abłamiejka. «Nieviadomy Miensk. Historyja źniknieńnia. Kniha pieršaja»

Čamu treba pračytać:

Kab lepiej viedać siabie, kab viedać, što ty daloka nie pieršy žychar horada z 1000-hadovaj historyjaj, i heta pierajemnaść šmat da čaho abaviazvaje, ale i šmat pravoŭ tabie vydaje — prava być jeŭrapiejcam, prava być volnym, prava być čałaviekam.

6. Sierž Minskievič. «Minskija / Mienskija sanety»

Čamu treba pračytać:

Aŭtar apisvaje Minsk učorašni, kniha była napisana 20 hadoŭ tamu. Małady i enierhičny paet vypramieńvaje charyzmu i čaroŭnaść, takija samyja i jaho saniety. Minskievič prapanoŭvaje paznavać hety śviet praz nozdry kirmašu, jaki daŭno zrabiŭsia ledź nie kulturnym centram stalicy.

5. Uładzimir Niaklajeŭ. «Aŭtamat z haziroŭkaj ź siropam i biez»

Čamu treba pračytać:

My šukajem svabodu i praktykujemsia ŭ svabodzie. Navat u samyja ideałahizavanyja epochi cenzury, samacenzury, pisańnia ŭ stoł u Minsku byli ludzi, jakija havaryli, što dumali, što chacieli, i vučyli hetamu inšych.

4. Artur Klinaŭ. «Małaja padarožnaja knižka pa Horadzie Sonca»

Čamu treba pračytać:

Budźma saboju, nie imknučysia prypadabniacca da zachodnich ci ŭschodnich uzoraŭ. Hladzim na toje ŭnikalnaje, što ŭ nas jość. Francuzy nie burać svaich pomnikaŭ, navat adyjoznym dziejačam revalucyi. Biezumoŭna, centralny Minsk, stalinski ampir — heta siońniašniaje abličča horada.

3. Majsiej Kulbak. «Zielmancy»

Čamu treba pračytać:

Biełaruś moža być šmatkulturnaj. Pamiać pra hetuju šmatkulturnaść 1920-ch, dzie ź biełaruskaj i ruskaj suisnavała mova idyš i polskaja mova — usie jany byli dziaržaŭnymi. Moža być, pamiać pra tuju šmatkulturnaść — heta toj pryvabny mif, jaki pieraadoleje nasadžanuju impieryjaj prapahandu pra našu pravincyjnaść i niepaŭnavartasnaść.

2. Todar Klaštorny. «Kali asiadaje muć»

Čamu treba pračytać:

Navat u samych nievynosnych umovach možna zastacca čałaviekam, možna znajści vyspačku apošniaj svabody, choć časam košt hetaha nie tolki stračanaje zdaroŭje, ale i źniščanaje žyćcio.

1. Siarhiej Piasiecki. «Mienskaja tryłohija»

Čamu treba pračytać:

100 hadoŭ tamu ŭ Miensku praciakała nie aby-jakoje žyćcio sa straściami, movaj, vartaj vyvučeńnia, i kałarytnymi hierojami, ab pryhodach jakich u volnaj Biełarusi my abaviazkova zdymiem fajny sieryjał.

• 6
• 0
• 0
• 0
• 2
• 0
• 3
• 0