Palaki admovilisia ramantavać biełaruski ciahnik, bo Biełaruś pad sankcyjami
Polskaja kampanija admoviłasia ramantavać ciahnik, jaki amal hod tamu sutyknuŭsia ŭ Biełarusi z traktaram. Usio heta — z-za jeŭrapiejskich sankcyj suprać Biełarusi, paviedamlaje vydańnie Most.
U aficyjnym pres-relizie polskaj kampanii Pesa z Bydhašča havorycca, što jana atrymała list ad «Biełaruskaj čyhunki». U im biełarusy prasili adramantavać dyziel-ciahnik, vyrableny ŭ Bydhaščy. Ale vytvorca paviedamiŭ biełaruskamu boku, što nie zmoža ŭziać taki zakaz.
Pradstaŭnik PESA Bydgoszcz Maciej Hžeskaviak paviedamiŭ polskamu partału NaKolei.pl:
«PESA nie moža vykanać prośbu ab ramoncie z boku biełaruskaha pieravozčyka, uličvajučy biahučuju situacyju, źviazanuju z vajnoj va Ukrainie, a taksama źviazanyja z hetym sankcyi, jakija pryniaŭ Jeŭrasajuz u dačynieńni da Rasii i Biełarusi».
Partał paviedamlaje, što ciahnik nie ramantavaŭsia z sakavika 2022 hoda, kali i adbyłasia avaryja:
«U biełarusaŭ, adrezanych ad mnohich kampanientaŭ, uźnikajuć prablemy z vykanańniem rabot ułasnymi siłami».
Sam incydent adbyŭsia ŭ sakaviku 2022 hoda. Na čyhunačnym pierahonie Rudziensk — Michanavičy ŭ Minskaj vobłaści kala prypynku Zazierka sutyknulisia ciahnik i traktar z pryčepam, napoŭnienym hnojem. Udar ciahnika pryjšoŭsia na pryčep. U vyniku zdareńnia byli paškodžanyja apory elektrazabieśpiačeńnia, spynieny ruch na pierahonie, zatrymany ruch pasažyrskich ciahnikoŭ. Zdareńnie abyšłosia biez čałaviečych achviar.
Čytajcie taksama:
Ciahnik «Mahiloŭ-Minsk» urezaŭsia ŭ traktarny pryčep z hnojem na čyhunačnym pierajeździe
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary