Ukrainiec-kamandzir Eduarda Łobava prosić pryznać jaho Hierojem Ukrainy
Adpaviednaja pietycyja stvorana na sajcie prezidenta Ukrainy. Aŭtar pietycyi — kamandzir Łobava Ivan Zaviaršynski. Ën apisaŭ hierojski apošni boj biełarusa.
Va Ukrainie zaklikajuć dać zvańnie Hieroja Ukrainy biełarusu Eduardu Łobavu, jaki zahinuŭ u bai. Aŭtar pietycyi — jahony kamandzir Ivan Zaviaršynski, jakoha Eduard canoj ułasnaha žyćcia ŭratavaŭ.
«Jon moh žyć u Litvie, atrymać vyšejšuju adukacyju ŭ Polščy, stać lidaram biełaruskaj moładzi. Ale jon ćviorda vyrašyŭ, što pajedzie dobraachvotnikam va Ukrainu», — kaža aŭtar pietycyi i dzielicca abstavinami bijahrafii i apošniaha boju.
«U svaim apošnim bai Eduard Łobaŭ svaimi dziejańniami vyratavaŭ majo žyćcio. Rasijanie vysadzili desant niedaloka ad našych pazicyj. Eduard vyjšaŭ z akopa i spakojna adzinkavymi strełami z aŭtamata rasstralaŭ usich vorahaŭ. Mienavita hetyja dziejańni dazvolili evakujavać mianie z pola boju.
Śmiarotnaje ranieńnie Eduard Łobaŭ atrymaŭ ad traplańnia askołka tankavaha snarada, kali stralaŭ pa varožym tanku z Javelin. Heta byŭ blizki boj i ekstranna evakujavać Eduarda z pola boju nie było mahčymaści».
Ivan Zaviaršynski zaznačaje, što za čas słužby Eduard Łobaŭ pakazaŭ siabie jak sumlenny voin. «Zaŭsiody imknuŭsia pavysić svaje navyki, prachodziŭ dadatkovyja kursy. Jašče dobraachvotnikam na Danbasie jon atrymaŭ try ŭznaharody. Eduard udzielničaŭ u abaronie Kijeva, Čarnihava, Bachmuta, Vuhladara. Atrymaŭ za heta 4 maja 2022 hoda ŭznaharodu «Za ŭzornaść u vajennaj słužbie» III-j stupieni. Raniej Eduard Łobaŭ byŭ uznaharodžany miedalom vieterana vajny i Kazackim Kryžam III-j stupieni.
Kamientary