Recept na vychadnyja. Zapiečanaja kuračka pa-francuzsku (poulet rôti) — prosty dalikates
Majecie doma tolki kurycu, masła i časnok? Hetaha chopić.
Fota: cookipedia.co.uk
Kab zhatavać zapiečanuju kuračku pa-francuzsku, vam spatrebicca:
- adna cełaja kuryca vahoj 1,5 kiłahrama,
- try čverci čajnaj łyžki soli,
- 60 hramaŭ raźmiakčanaha masła,
- niekalki ačyščanych zubkoŭ časnaku,
- 2 čajnyja łyžki aliŭkavaha aleju.
- Razahrejcie duchoŭku da 220 hradusaŭ.
- Zmažcie kurycu znutry 15 hramami masła. Pakładzicie va ŭnutranuju častku kurycy časnok.
- Pakładzicie kurycu hrudkaj uvierch u formu dla zapiakańnia ci na rašotku.
- Natrycie kurycu zvonku jašče 15 hramami masła.
- Pastaŭcie ŭsiaredzinu razahretaj duchoŭki i zapiakajcie 5 chvilin.
- Pieraviarnicie kurycu na bok adnoj z hrudak, zmažcie 15 hramami masła i zapiakajcie jašče 5 chvilin.
- Pieraviarnicie kurycu na bok inšaj hrudki i paŭtarycie praces.
- Praz 5 chvilin źmienšycie tempieraturu ŭ duchoŭcy da 180 hradusaŭ i praciahvajcie zapiakać kurycu. Kožnyja 10 chvilin palivajcie jaje alejem.
- Praz 30-40 chvilin paśla pačatku zapiakańnia pasalicie kurycu čverciu čajnaj łyžki soli i pieraviarnicie jaje na inšy bok. Praciahvajcie palivać alejem.
- Praz 15-20 chvilin znoŭ pasalicie kurycu i pieraviarnicie jaje. Praciahvajcie palivać alejem. Zapiakajcie kurycu da hatoŭnaści. Praviarajecca jana tak: kali vy ŭstaŭlajecie ŭ miasa nož ci zubačystku, ź jaho pavinien vyciakać prazrysty sok biez kryvi.
- Paśla pryhatavańnia zaviarnicie kurycu ŭ folhu i dajcie joj pastajać 30 chvilin, pierš čym narazać.
Kamientary