«Vyjaŭlenyja vypadki mabilizavali ŭvieś kalektyŭ». Litoŭskaja čyhunka ŭzmacniaje baraćbu z abychodam sankcyj
Hruzavaja kampanija hrupy «Litoŭskaj čyhunki» LTG Cargo zajaviła, što zrobić jašče bolš strohim kantrol nad hruzapieravozkami i budzie asabliva staranna praviarać usie hruzy, jakija dastaŭlajucca jak ź Biełarusi, tak i ź inšych krain. Klijentaŭ kampanii pra heta ŭžo papiaredzili, paviedamlaje Delfi.lt.
Z 1 sakavika ŭsie klijenty LTG Cargo, jakija ździajśniajuć šyrokakalejnyja čyhunačnyja hruzapieravozki, pavinny buduć padavać dadatkovuju padrabiaznuju infarmacyju pra hruzy, a taksama dadatkovyja dakumienty. U metach zabieśpiačeńnia naležnaha vykanańnia novaha paradku klijentam daviadziecca paŭtorna padavać zajaŭki na hruzapieravozki z trecich krain z dadatkovaj infarmacyjaj.
U vypadku ŭźniknieńnia jakoha-niebudź padazreńnia ŭ sprobie abyjści sankcyi ci ŭ vypadku admovy klijenta pradstavić jakoj-niebudź z zapytanych dadatkovych dakumientaŭ kampanija spyniaje i nadalej budzie spyniać takija hruzapieravozki.
Vyklučeńnie budzie dziejničać tolki dla tranzitnych zajavak na tavary pieršaj nieabchodnaści — ich buduć pieravozić pa raniejšych praviłach.
«Mahčymyja sproby biznesu abyści mižnarodny sankcyjny kantrol my aceńvajem vielmi žorstka i zrobim usio, kab praduchilić heta.
Vyjaŭlenyja vypadki, mabilizavali ŭvieś kalektyŭ kampanii — my supracoŭničajem ź inšymi instytutami, adkaznymi za sankcyjny kantrol, my napahatovie i hatovyja reahavać. Zrobim usio, što ad nas zaležyć, kab pa čyhuncy ŭ Litvu nie traplali hruzy, jakija prynosiać karyść krainam-ahresaram», — zajaviŭ staršynia praŭleńnia LTG Cargo Arnoldas Ukieniekas.
Cichanoŭski raskazaŭ, što treba było rabić u žniŭni 2020-ha62
Kamientary
samamabilizavanyja