Da adnoj z žančyn, zatrymanych u Kruhłym, vyklikali «chutkuju»
Da zatrymanaj u rajcentry Kruhłaje na Mahiloŭščynie Aliny Haravaj uviečary 30 sakavika vyklikali «chutkuju», paviedamlaje Mayday Team. Na toj momant žančyna jašče znachodziłasia ŭ Kruhlanskim RAUS i čakała adpraŭki ŭ mahiloŭski SIZA.
Pavodle infarmacyi pravaabaroncaŭ, u žančyny abvastrylisia chraničnyja zachvorvańni. Siłaviki nie dali jaje špitalizavać, patłumačyŭšy heta tym, što ŭ SIZA, kudy jana pavinna była paśla nakiravacca, majecca dzionny stacyjanar.
Dniami paviedamlałasia, što siłaviki praviali abłavu ŭ Kruhłym. Adnosna zatrymanych była zaviedzienaja kryminalnaja sprava pa artykule 342 KK ab arhanizacyi i padrychtoŭcy dziejańniaŭ, jakija hruba parušajuć hramadski paradak.
Siarod inšych byŭ aryštavany adzin z samych paśpiachovych miascovych pradprymalnikaŭ, Alaksandr Kalin. Akramia taho, 27 sakavika ŭ ramkach hetaj kryminalnaj spravy paśla pieratrusaŭ byli papiarednie ŭziatyja pad vartu na 72 hadziny žychary Kruhłaha Alina Horava, Uład Łahucienka i były hałoŭny ŭrač sanstancyi Alaksiej Cyhanaŭ.
Dačku i syna Alaksandra Kalina adpraŭlali na «sutki» ŭ IČU, a 29 sakavika pieratrusy prajšli ŭ jaho baćki i žonki.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary