Kitajskija navukoŭcy pieradali štučnamu intelektu poŭny kantrol nad svaim kaśmičnym spadarožnikam. Niejrasietka adrazu ž zacikaviłasia vajskovymi bazami
Pry hetym meta ekśpierymientu była zusim nie taja.
Kitajskija daśledčyki ŭ jakaści ekśpierymientu addali ŠI (štučnamu intelektu) nieabmiežavany dostup da adnaho sa svaich navukovych spadarožnikaŭ. Ekśpierymient doŭžyŭsia 24 hadziny i vyjaviŭ anamalnyja pavodziny ŭ niejrasietki. Pra heta 15 krasavika paviedamiła vydańnie South China Morning Post sa spasyłkaj na navukovy artykuł časopisa Geomatics and Information Science Uchańskaha ŭniviersiteta.
Vydańnie piša, što ekśpierymient staviŭ pierad saboj zadaču pravieryć mahčymaść całkam aŭtanomnaj pracy Qimingxing 1, spadarožnika dystancyjnaha zandavańnia Ziamli, pry dapamozie štučnaha intelektu nakštałt ChatGPT.
Jak adznačyli navukoŭcy, z usimi zadačami niejrasietka spraviłasia vydatna, adnak padčas ekśpierymientu jana prajaviła «niečakanuju cikavaść» da vajskovaj i stratehičnaj infrastruktury niekalkich krain rehijona.
«Štučny intelekt zahadaŭ spadarožniku pilna nazirać za japonskim marskim portam u horadzie Osaka, jaki źjaŭlajecca adnoj z rehularnych stajanak karabloŭ Cichaakijanskaha fłota VMS ZŠA. Aproč hetaha niejrasietka doŭha ŭhladałasia ŭ indyjski horad Patna i jaho vajskovuju bazu, harnizon jakoj jašče ŭ 2020 hodzie prymaŭ udzieł u bojesutyknieńniach z armijaj Kitaja», — paviedamili navukoŭcy.
Usiaho, pa ich słovach, ŠI źviarnuŭ pilnuju ŭvahu na vajskovyja i stratehičnyja kropki krain Azii i navat Afryki. A za kitajskimi vajskovymi abjektami niejrasietka ŭvohule nie sačyła.
Nahadajem, što jašče ŭ kancy sakavika bolš za 1000 ekśpiertaŭ u halinie štučnaha intelektu padpisali adkryty list z nastojlivaj rekamiendacyjaj spynieńnia raźvićcia štučnaha intelektu «z-za pahrozy čałaviectvu» (praŭda, nie ŭsie z hetych ekśpiertaŭ praciahvajuć stajać na svaim).
Isnujuć navat precedenty zabarony vykarystańnia peŭnych niejrasietak u asobnych krainach.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary