Były turemny lekar tłumačyć, čamu moh zdarycca pnieŭmatoraks i pra što kaža toj fakt, što Babaryku nie pakinuli ŭ špitali kałonii
Z 25 krasavika były pretendent u prezidenty Viktar Babaryka znachodzicca ŭ haradskoj balnicy Navapołacka. Były turemny lekar Vasil Zavadski pa toj infarmacyi, jakaja jość pra zdaroŭje palityka, razvažaje, što ź im mahło zdarycca.
Vasil Zavadski bolš za 20 hadoŭ adpracavaŭ u pienitencyjarnaj sistemie Biełarusi, z 1998 pa 2010 hod byŭ načalnikam miedycynskaj słužby Departamienta vykanańnia pakarańniaŭ MUS. A ŭ 2017 hodzie zasnavaŭ i kiravaŭ pravaabarončaj arhanizacyjaj «TajmAkt», jakaja zajmałasia prablemami źniavolenych.
«Z taho mizeru viadomaj infarmacyi nielha zrabić adnaznačnych vysnoŭ, — kaža pravabaronca. — Pa-charošamu, Ministerstva ŭnutranych spraŭ ci Ministerstva achovy zdaroŭja musili b zrabić zajavu ci vydać pres-reliz i patłumačyć: što stałasia, što pryviało da takoha vyniku, u jakim stanie ciapier znachodzicca Babaryka. Ale strausinaja pazicyja dziaržaŭnych viedamstvaŭ daje padstavy dla vykazvańnia roznych dumak i viersij».
Vasil Zavadski dzielicca svaimi mierkavańniami nakont taho, što mahło adbycca.
«Apošnim časam Babaryka byŭ u kamiery PKT, dzie znachodziacca nie dziasiatki źniavolenych, a ŭsiaho tolki adzin abo niekalki čałaviek. Zychodziačy z hetaha, možna dapuścić, što ŭ kamieru byŭ źmieščany kanfliktny čałaviek, jaki i raspačaŭ bojku.
Pnieŭmatoraks (mienavita taki dyjahnaz pieravažaje ŭ infarmacyi niezaležnaj presy) moža być vyklikany pierałomam rabra (rebraŭ), u vyniku čaho paškodžanaja pleŭra i lohkaje», — razvažaje Vasil Zavadski.
Adnak, kali heta sapraŭdy byŭ pnieŭmatoraks, to ci nie byŭ heta spantanny pnieŭmatoraks? Što ŭ takim razie mahło b jaho vyklikać?
«Spantany pnieŭmatoraks zdarajecca pa šerahu ŭnutranych pryčyn, źviazanych z ahulnym stanam zdaroŭja», — adznačaje lekar.
Čamu Viktaru Babaryku nie akazali miedyčnuju dapamohu ŭ miedčaści kałonii? Zavadski razvažaje.
«Nielha skazać, što heta ekskluziŭny vypadak, ale źniavolenych źmiaščajuć u hramadzianskija balnicy niačasta. Zvyčajna kiraŭnictva miescaŭ źniavoleńnia ŭsialakimi sposabami imkniecca paźbiehnuć špitalizacyi źniavolenaha ŭ cyvilnuju lakarniu, tamu što dla hetaha treba zabiaśpiečyć šerah niaprostych dziejańniaŭ: chvoramu (paciarpiełamu) treba zabiaśpiečyć kanvoj, treba źniać dziažurnych z kałonii i častku nakiravać na achovu chvoraha, što ciapier, vidać, i adbyvajecca z Babarykam. Viedajem, pad jakoj pilnaj uvahaj Viktar Babaryka znachodzicca ŭ kałonii z samaha pačatku. U štacie miedčaści kałonii niama chirurha i niama mahčymaści akazać dapamohu pry pnieŭmatoraksie.
Ale toje, što Viktara Babaryku špitalizavali ŭ hramadzianskuju balnicu, a nie pavieźli, naprykład, u turemny špital u Minsku, taksama śviedčyć, što situacyja ź jaho zdaroŭjem — davoli surjoznaja»,
— miarkuje Vasil Zavadski.
Nadzvyčajnaje zdareńnie ź Viktaram Babarykam adbyłosia na fonie infarmacyjnaj błakady Mikoły Statkieviča, Maksima Znaka, Ihara Łosika (apošni taksama adbyvaje pakarańnie ŭ navapołackaj PK-1). Adčuvańnie, što na viadomych źniavolenych cisk istotna ŭzmacniŭsia.
«Z adnaho boku, da znakavych asob, jakija znachodziacca ŭ miescach źniavoleńnia, zaŭsiody prykavanaja ŭvaha hramadstva. Adnak pieraličanyja fakty prymušajuć zadumacca, što sapraŭdy addadzieny niehałosny zahad bolš žorstka stavicca da palitviaźniaŭ. My viedajem, što da Viktara Babaryki ŭ kałonii staviacca žorstka ad samaha pačatku, ale jaho zvyčajna karali za kantakty ź inšymi źniavolenymi», — kaža Vasil Zavadski.
«Dahetul u balnicy, stan siaredniaj ciažkaści». Što viadoma na hety momant pra stan Viktara Babaryki
«Uvieś čorny». Što apošniaje było viadoma pra Viktara Babaryku ŭ navapołackaj kałonii
Błohier Kabanaŭ, jaki siadzieŭ u navapołackaj kałonii, pra toje, čamu viaźni nie vytrymlivajuć umoŭ tam
Načalnik navapołackaj kałonii, dzie mučać Ihara Łosika, ros ź im u adnym domie ŭ Baranavičach
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary