PAR nie ŭchvalała nijakich pastavak zbroi Rasii, zajaviŭ Mondli Hunhubiele — ministr, jaki ŭznačalvaje Nacyjanalny kamitet kantrolu nad zvyčajnymi ŭzbrajeńniami krainy, piša Bi-bi-si.
PAR prakamientavała abvinavačańni ŭ pastaŭkach zbroi Rasii. Jaho słovy cytuje ŭ tvitary viadučy miascovaj radyjostancyi «702» Klemient Mańjateła, u intervju jakomu ministr skazaŭ, što kali zbroju pahruzili na sudna, jakoje nakiroŭvałasia ŭ Rasiju z Paŭdniovaj Afryki, to heta było niezakonna i nieprymalna.
U čaćvier pasoł ZŠA ŭ PAR Rubien Brydžeci abvinavaciŭ ułady krainy ŭ pastaŭkach zbroi i bojeprypasaŭ u Rasiju, jakija ažyćciaŭlalisia, niahledziačy na dekłaravany niejtralitet u vajnie suprać Ukrainy.
«My zaŭvažyli znachodžańnie rasijskaha hruzavoha sudna Lady R u Sajmanstaŭnie z 6 da 8 śniežnia 2022 hoda, — cytuje pasła ahienctva Reuters. — My ŭpeŭnienyja, što jano razhruziła zbroju i bojeprypasy, kali viarnułasia ŭ Rasiju».
Ofis prezidenta PAR Siryła Ramafosa na heta adkazaŭ, što znachodžańnie rasijskaha sudna ŭ porcie Paŭdniovaj Afryki ni dla koha nie było sakretam, ab pryčynach jaho zachodu ŭ port vykazvalisia roznyja zdahadki, ale nijakich kankretnych faktaŭ pradstaŭlena nie było. U vyniku ŭłady PAR pryniali rašeńnie pravieści niezaležnaje rasśledavańnie.
-
«Nichto nie adnimie u mianie prava pamierci ruskim. Słava Rasii!» — pieradśmiarotnaje paviedamleńnie syna rasijskaha apazicyjaniera Hudkova
-
Tramp zapościŭ žartaŭlivy rolik pa matyvach napadu tyhra na čałavieka ŭ brytanskim zaaparku. Svajaki zahinułaha aburanyja
-
Džordža Miełoni: Nichto nie pierakanaje mianie ŭ tym, što kapitulacyju taho, chto abaraniaje svaju svabodu, možna nazyvać «miram»
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam12
Kamientary