Viktar Babaryka moža znachodzicca ŭ balnicy SIZA na Vaładarcy — «Rabočy ruch»
Siońnia aktyvisty inicyjatyvy «Rabočy ruch», jakija ŭ svoj čas pieršymi paviedamili pra špitalizacyju palitźniavolenaha Viktara Babaryki, zajavili, što palityk moža znachodzicca ŭ turemnym špitali ŭ SIZA na Vaładarskaha ŭ Minsku.
«Pavodle najaŭnych źviestak, Viktar Babaryka kala tydnia znachodziŭsia ŭ Navapołackaj centralnaj haradskoj balnicy, paśla čaho, prykładna 3 maja, jaho zabrali ŭ navapołackuju PK-1, a na nastupny dzień pavieźli ŭ kirunku Minska (pavodle niepaćvierdžanych źviestak, na Vaładarskaha) u turemnuju balnicu», — napisali aktyvisty «Rabočaha ruchu».
Pakul što paćviardžeńnia hetaj infarmacyi ź inšych krynic niama, kamanda Viktara Babaryki jaje pakul što nie kamientavała.
Nahadajem, dva tydni tamu stała viadoma, što Viktar Babaryka byŭ špitalizavany ŭ balnicu ŭ noč z 24 na 25 krasavika — dalejšaje miescaznachodžańnie palitviaźnia nieviadomaje. Siońnia źjaviłasia infarmacyja ad pravaabaroncaŭ, što da svajho atrada ŭ navapołackaj kałonii jon nibyta ŭžo nie prypisany.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary