«Tam, dzie palać knihi, urešcie spalać taksama i ludziej». KDB źniščyŭ 25 knih, kanfiskavanych u Dzianisa Ivašyna
Knihi zabrali ŭ Dzianisa paśla pieratrusu 12 sakavika 2021 hoda.
Stała viadoma, što knihi spalenyja, napisała ŭ telehram-kanale Dzianisa Ivašyna jaho žonka Volha.
«Ź nievičierpnoho džierieła», «Abeceda», «Biełaruski nacyjanalizm», «Čamu biełarus abaviazany być nacyjanalistam», «Vajskovy słoŭnik», «108 dzion i načej u zaścienkach KDB», «O siektantach», «Tatalitaryzm», «Prapahanda», «Chryščeńnie nacyi», «Biełaruś za 10 padarožžaŭ», «Śvietapohladnyja asnovy demakratyčnaha ruchu», «Antybalšavickija paŭstańni i partyzanskaja baraćba na Biełarusi», «Hibridna vojna», «Krim za zavisoju», «Chronika hibridnoj vojny», «Śmiśli i vijni», «Rosija: idientičnosť ahriesora», «Vtoržienije v Ukrainu», «Donbass v ohnie», «OUN i UPA v boroťbi za Ukrajinśku Dieržavu», «Mižnarodnij cientr protidii Rosijśkij propahandi», «Tiendiencii u śviti», «Indieks vijni».
«A jašče pryhadaju cytatu Hienrycha Hiejne: «Tam, dzie palać knihi, urešcie spalać taksama j ludziej», napisanuju zadoŭha da raniejšych nacystaŭ i siońniašnich fašystaŭ-kleptakrataŭ», — napisała Volha Ivašyna
Hrodzienskaha žurnalista Dzianisa Ivašyna zatrymali 12 sakavika 2021 hoda i ŭ žniŭni 2022 hoda asudzili na 13 hadoŭ i 1 miesiac kałonii ŭzmocnienaha režymu sa štrafam 150 bazavych vieličyń (4800 rubloŭ) pa č. 1 art. 356 «Zdrada dziaržavie» i č. 1 art. 179 KK «Niezakonnaje źbirańnie albo raspaŭsiudžvańnie infarmacyi ab pryvatnym žyćci».
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach25
Kamientary