«Dziejańni sudździ źjaŭlajucca złačynstvam pieraśledu» — pravaabaronca pra śmierć Mikałaja Klimoviča
Biełaruski pravaabaronca Pavieł Sapiełka prakamientavaŭ śmierć u kałonii palitviaźnia Mikałaja Klimoviča, jaki pakutavaŭ ad chvaroby serca.
«Vypadak Mikałaja — heta jasnaja i vybitnaja ŭ svajej cyničnaści rasprava nad čałaviekam za jaho pierakanańni, kali sudździa Andrej Byčyła, majučy ŭsie źviestki pra ŭsie abstaviny stanu zdaroŭja abvinavačvanaha, majučy mahčymaść vynieści choć i advolny z punktu hledžańnia pravoŭ čałavieka, ale pa mienšaj miery — nie źviazany z pazbaŭleńniem voli, a značyć, nie śmiarotny prysud, pryznačyŭ samy ciažki z mahčymych vidaŭ pakarańnia.
Viadoma, pry hetaj uładzie sudździa atrymaje ad uład tolki padtrymku i adabreńnie, ale, z punktu hledžańnia mižnarodnaha kryminalnaha prava, dziejańni sudździ Byčyła źjaŭlajucca złačynstvam pieraśledu — pazbaŭleńnie voli pa palityčnych matyvach, a śmierć asudžanaha abciažarvaje adkaznaść vinavataha», — pryvodzić słovy Paŭła Sapiełki «Viasna».
Pra śmierć Mikałaja Klimoviča stała viadoma 7 maja. 28 lutaha Andrej Byčyła pryhavaryŭ jaho da 1 hoda pazbaŭleńnia voli za znak «śmiešna» pad karykaturaj na Alaksandra Łukašenku.
Mikałaj Klimovič pieranios insult i składanuju apieracyju na sercy i pierad prysudam skazaŭ: «Luboje turemnaje źniavolvańnie dla mianie — heta śmierć, tamu što ja pavinien być pad stałym nahladam doktara, prymać vialikuju kolkaść mocnych lekaŭ. Ja mahu nie vytrymać navat miesiaca».
Pakarali za łajk pad karykaturaj Łukašenki. Što viadoma pra palitviaźnia Mikałaja Klimoviča, jaki pamior u kałonii
Pradstaŭnica Kabinieta Volha Harbunova pra śmierć palitviaźnia: Kolki jašče treba achviar, kab vy nasycilisia ŭładaj?
«Cichi čałaviek ź miakkim hołasam». Chto tyja sudździa i prakuror, jakija adpravili ŭ kałoniju błohiera Klimoviča — palitviaźnia, jaki pamior za kratami
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ50
Kamientary