Supracoŭniku Instytuta hienietyki dali try z pałovaj hoda kałonii
Pavodle abvinavačańnia, Alaksandr Kandraciuk pakidaŭ u sacyjalnych sietkach niehatyŭnyja kamientary, jaki dyskredytavali ŭładu i abražali Alaksandra Łukašenku.
Minski haradski sud 17 maja abviaściŭ prysud navukovamu supracoŭniku Instytuta hienietyki i cytałohii Nacyjanalnaj akademii navuk, prafsajuznamu aktyvistu Alaksandru Kandraciuku.
Jaho abvinavacili pa troch artykułach Kryminalnaha kodeksa — č. 1 art. 130 (Raspalvańnie sacyjalnaj varožaści albo varažniečy), art. 368 (Abraza Łukašenki) i č. 1 art. 369 (Dyskredytacyja Respubliki Biełaruś).
Spravu razhladała sudździa Anžeła Kaściukievič. Dziaržabvinavaŭca — prakuror Dalidovič, piša «Viasna».
Aktyvista zatrymali razam ź niekalkimi supracoŭnikami Instytuta hienietyki i cytałohii NAN RB 5 vieraśnia 2022 hoda. Jon atrymaŭ 13 sutak administracyjnaha aryštu, ale na volu bolš nie vyjšaŭ. Da suda Kandraciuka ŭtrymlivali pad vartaj ŭ SIZA №1 u Minsku.
Prakuratura patrabavała pakarać aktyvista Svabodnaha prafsajuza Biełaruskaha (SPB) 3,5 hadami pazbaŭleńnia voli.
Sud pryznaŭ jaho vinavatym i pastanaviŭ pakarać pazbaŭleńniem voli terminam na try z pałovaj hoda ŭ kałonii va ŭmovach ahulnaha režymu.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»7
Kamientary