U Ofisie Zialenskaha nazvali ŭmovu, pry jakoj jon pajedzie na samit NATO ŭ Vilniu
Prezident Uładzimir Zialenski asabista pryjedzie ŭ Vilniu na samit Paŭnočnaatłantyčnaha aljansu tolki pry ŭmovie, kali Ukraina atrymaje zdavalniajučy vynik. Pra heta ŭ intervju Reuters skazaŭ namieśnik kiraŭnika Ofisa prezidenta, dypłamatyčny daradca Zialenskaha Ihar Žoŭkva, jak paviedamlaje «Jeŭrapiejskaja praŭda».
Adkazvajučy na pytańnie, jakija ŭmovy prysutnaści Zialenskaha na samicie NATO, Žoŭkva spasłaŭsia na jahonuju pramovu ŭ parłamiencie, dzie ŭkrainski lidar kazaŭ pra važnaść mužnaści ŭ sučasnym śviecie.
«Prezident nie pajedzie… na samit, kali lidary buduć schilnyja demanstravać abo buduć demanstravać deficyt mužnaści, tady jak Ukraina z usioj mužnaściu, volaj i siłaj i vysokim bajavym ducham zmahajecca suprać rasijskaj ahresii», — skazaŭ jon.
Jon dadaŭ, što prezidentu Ukrainy «niama sensu i nie budzie času jechać» na samit u Vilni, kali tam «nie budzie vyniku».
Na dumku daradcy Zialenskaha, Ukraina ciapier bližej da atrymańnia zaprašeńnia, čym «paŭhoda tamu».
Uładzimir Zialenski razumieje niemahčymaść ustupleńnia Ukrainy ŭ NATO padčas vajny, adnak nie bačyć sensu ŭdzielničać u samicie NATO ŭ Vilni, kali pavodle vynikaŭ Ukraina nie atrymaje kankretnych sihnałaŭ, kali jana moža dałučycca da Aljansu.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary