Biełarusy zmohuć padavacca na dazvoł na žycharstva ŭ vizavych centrach Litvy
Biełarusy zmohuć padavać dakumienty na DNŽ u vizavych centrach Litvy za miažoj. Pra heta «Lusterku» raskazaŭ hałoŭny daradca Departamienta mihracyi pry MUS Litvy Rokas Pukinskas. Jon adznačyŭ, što ŭ zakonie isnujuć abmiežavańni na padaču DNŽ praź vizavyja centry tolki dla rasijanaŭ.
Z 1 lipienia Litva skaraciła śpis tych, chto moža padavać dakumienty na nacyjanalnuju vizu. Adzin z samych važnych momantaŭ, što hety dakumient ciapier nie mohuć atrymlivać studenty-vočniki litoŭskich VNU, a taksama tyja, chto pracaŭładkoŭvajecca ŭ litoŭskija kampanii. Akramia taho, nacyjanalnuju vizu ciapier nie vydajuć zamiežnikam pa deficytnych śpiecyjalnaściach, a taksama tym, u kaho jość dazvoł na pracu ad słužby zaniataści.
— U hetych vypadkach biełarusy zmohuć padavać dakumienty na DNŽ nie tolki ŭ Departamiencie mihracyi ŭ Litvie, ale i ŭ 34 centrach VFS Global, jakija pracujuć za miažoj. Hetyja dakumienty buduć prymać, razhladać i dalej užo prymać rašeńnie pa ich, — raskazaŭ Rokas Pukinskas.
Miž tym hramadzianie Rasii pazbaŭlenyja mahčymaści padavacca na DNŽ praź vizavyja centry za miežami Litvy. Taksama Litva prypyniła vydaču DNŽ rasijanam, jakija nie majuć šenhienskaj abo nacyjanalnaj vizy Litvy albo litoŭskaha DNŽ ci anałahičnaha dakumienta inšaj krainy ES.
Kamientary
Chotia čiemu udivlaťsia - eto žie Litva.
Kstati, pieriestańtie imienovať biehłych biełorusami. Oni nie biełorusy mientalno