«PSŽ» raźvitaŭsia z hałoŭnym trenieram. Jaho raniej abvinavacili ŭ rasiźmie
«Pary Sien-Žermien» prainfarmavaŭ Krystofa Hałćje pra rašeńnie skasavać kantrakt.
«Kłub chacieŭ by addać naležnaje jaho prafiesijanalizmu i metanakiravanaści, jakija dapamahli «čyrvona-biełym» vyjhrać histaryčny 11-y tytuł čempijona Francyi», — havorycca ŭ zajavie kłuba ŭ instahramie.
Hałćje ŭznačaliŭ «PSŽ» u minułym hodzie. Jon zdoleŭ pryvieści kłub da čempijonstva, ale paryžanie vylecieli ŭ 1/8 finału Lihi čempijonaŭ, sastupiŭšy «Bavaryi». Miarkujecca, što «PSŽ» ciapier uznačalić ispanski śpiecyjalist Łuis Enrykie.
U minułuju piatnicu Hałćje i jaho syn byli zatrymanyja na 24 hadziny pa spravie, kali toj byŭ trenieram «Nicy».
Pryčyna aryštu futbolnaha śpiecyjalista ŭ spravie ab rasavaj dyskryminacyi, pra jakuju stała viadoma niekalki miesiacaŭ tamu paśla ŭciečki z pošty Žuljena Furńje, eks-dyrektara «Nicy». U piśmach Furńje kazaŭ pra razmovy z Hałćje, u jakich toj skardziŭsia na kolkaść «čornych i musulman» u kamandzie.
Sud projdzie 15 śniežnia. Trenieru pahražaje da troch hadoŭ turmy i štraf 45 tysiač jeŭra.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie9
Kamientary