Žycharku Žłobina asudzili za ŭdzieł u pratestach, paznaŭšy pa kašuli
U sudzie Žłobinskaha rajona vyniesieny prysud jašče adnoj udzielnicy žnivieńskaj akcyi pratestu 2020 hoda. 21-hadovuju Łalitu Kozyravu abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo ŭdziele ŭ ich pavodle č. 1 art. 342 KK. Spravu razhladała sudździa Natalla Kačałava, piša «Viasna».
Pa materyjałach abvinavačańnia, Łalita nibyta vychodziła na prajeznuju častku, plaskała ŭ dałoni, kryčała, vykrykvała łozunhi, admaŭlałasia ad vykanańnia patrabavańniaŭ supracoŭnikaŭ milicyi.
Zhodna z pratakołam ahladu pradmietaŭ, byli zafiksavany charaktarystyki kašuli, kanfiskavanaj u Kozyravaj. Pry ahladzie kašuli i supastaŭleńni jaje ź videafajłami kamier videanazirańnia ŭstanoŭlena, što mienavita ŭ joj jana była ŭ toj viečar na akcyi pratestu.
Sud pastanaviŭ pryznačyć dziaŭčynie abmiežavańnie voli biez nakiravańnia ŭ papraŭčuju ŭstanovu adkrytaha typu na termin adzin hod i šeść miesiacaŭ.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary