Pytańnie ab statusie pryvatnych vajskovych kampanij budzie razhladacca, ale pakul što PVK «Vahnier» jak jurydyčnaja asoba «nie isnuje i nie isnavała», zajaviŭ pradstaŭnik Kramla Dźmitryj Piaskoŭ. Jon dadaŭ, što «składanaje pytańnie ab jurydyčnym statusie pavinna być vyvučana», piša Bi-bi-si.
Faktyčna pres-sakratar prezidenta paŭtaryŭ słovy Uładzimira Pucina, jaki napiaredadni ŭpieršyniu prakamientavaŭ sustreču ź Jaŭhienam Pryhožynym i najmitami jahonaj PVK «Vahnier», jakaja adbyłasia ŭ Kramli praź piać dzion paśla ŭčynienaha imi buntu.
«Nu, dyk PVK «Vahnier» nie isnuje! U nas ža niama zakona ab pryvatnych vajskovych arhanizacyjach! Prosta nie isnuje!» — zajaviŭ Uładzimir Pucin. Zatym jon abmoviŭsia: «Hrupa jość, ale jurydyčna nie isnuje».
Takim čynam jon pryznaŭ, što PVK «Vahnier» usie hetyja hady była pa-za zakonam, bo ŭ Rasii ź jurydyčnaha punktu hledžańnia nie mohuć isnavać pryvatnyja vajskovyja kampanii.
Pry hetym raniej Pucin raspavioŭ, što ŭtrymańnie najmitaŭ, suviaź ź jakimi Kreml apošnija hady admaŭlaŭ, «całkam zabiaśpiečvałasia dziaržavaj».
«Ź Ministerstva abarony, ź dziaržaŭnaha biudžetu, my całkam finansavali hetuju hrupu», — zajaviŭ prezident Rasii.
Pa viersii Pucina, «Vahnier» atrymaŭ ad dziaržavy z maja 2022 hoda pa maj 2023 hoda kala 86 młrd rasijskich rubloŭ na zarpłatu i stymulujučyja vypłaty, a taksama kala 110 młrd na strachavyja vypłaty, vidać, paranienym i siemjam zahinułych.
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary