U Mahilovie adkryli miemaryjalnuju došku Barysu Maisiejevu
Miemaryjalnuju došku adkryli siońnia na ścianie doma na vulicy Čaluskincaŭ u Mahilovie, dzie naradziŭsia i 14 hadoŭ žyŭ Barys Maisiejeŭ.
Miemaryjalny bareljef ujaŭlaje saboj miedal. U centry — profil Maisiejeva. Pa kruzie raźmieščanaja cytata śpievaka: «Ja lublu hety horad, ja lublu hety dom», jak piša «Mahiloŭ Anłajn».
Skulptar — Filip Trušyn, jaki taksama prysutničaŭ na adkryćci miemaryjalnaj doški.
Mierapryjemstva prajšło ŭ ramkach aficyjnaj prahramy zakryćcia fiestyvalu «Słavianski bazar» u Viciebsku.
Barys Maisiejeŭ — rasijski tancoŭščyk i estradny śpiavak, jaki prasłaviŭsia dziakujučy epatažnym manieram.
Mahiloŭ — jaho radzima, u Biełarusi jon pravioŭ dziacinstva i rańniuju maładość. A pamior Maisiejeŭ letaś 27 vieraśnia na 69-m hodzie žyćcia ŭ Maskvie.
Tearetyčna pieraškodaj dla ŭšanavańnia pamiaci Maisiejeva ŭ Mahilovie mahli stać praviły ŭstalavańnia miemaryjalnych znakaŭ nie raniej za peŭny termin paśla śmierci asoby. U Mahilovie hety termin — 5 hadoŭ paśla śmierci znakamitaha čałavieka.
A taksama suprać ušanavańnia pamiaci Maisiejeva napiaredadni vystupili niekatoryja praŭładnyja błohiery, dla jakich tancor niedastatkova šanavaŭ tradycyjnyja skrepnyja kaštoŭnaści.
Maisiejeŭ na pačatku 1990-ch adnym ź pieršych u Rasii zrabiŭ kaminh-aŭt i staŭ prezientavać siabie jak śpievaka-homaseksuała, što znajšło adlustravańnie i ŭ jaho repiertuary, ale heta nie pieraškadžała jaho vialikaj papularnaści ŭ 1990-ja.
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary