Ukraina ŭžo na nastupnym tydni pačnie pieramovy z ZŠA adnosna harantyj biaśpieki
Kiraŭnik Ofisa prezidenta Ukrainy Andrej Jarmak zajaviŭ, što pieramovy sa Złučanymi Štatami pačnucca ŭžo na nastupnym tydni. Jon adznačyŭ, što pakul idzie vajna i Ukraina nie moža ŭstupić u NATA, ukrainskaja dziaržava maje «zaručycca nadziejnymi harantyjami na pierachodny pieryjad».
Andrej Jarmak nahadaŭ, što na samicie NATA ŭ Vilni ŭchvalili supolnuju dekłaracyju ab harantyjach biaśpieki dla Ukrainy. Z krainami, jakija da jaje dałučylisia, Ukraina maje stvaryć sistemu dvuchbakovych damoŭ. Sa Złučanymi Štatami pieramovy ab harantyjach biaśpieki pačnucca na nastupnym tydni.
«Harantyi pa biaśpiecy dla Ukrainy buduć kankretnymi i doŭhačasovymi abaviazkami, jakija zabiaśpiečać zdolnaść Ukrainy pieramahać ciapier i strymlivać rasiejskuju ahresiju ŭ budučyni. Heta buduć dakładna apisanyja farmaty i miechanizmy padtrymki», — padkreśliŭ kiraŭnik Ofisa prezidenta.
Jarmak dadaŭ, što havorka idzie «pra abaronnuju i finansavuju padtrymku, a taksama pra sankcyi i pakarańnie ahresara».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak4
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary