U MNS raspaviali, ci možna pasmažyć šašłyk u dvary šmatpaviarchovika i na bałkonie.
Hatavać šašłyk u kvatery možna tolki ŭ aerahryli abo duchoŭcy, a taksama z dapamohaj pryboraŭ, śpiecyjalna dla hetaha pryznačanych.
«A voś raźviadzieńnie vohnišča ŭ manhale na bałkonie — heta surjoznaje parušeńnie praviłaŭ pažarnaj biaśpieki. Za jaho pahražaje štraf da 5 bazavych, navat kali ničoha strašnaha nie adbudziecca. Kali vaš «piknik» stanie pryčynaj pažaru, štraf budzie składać ad 5 da 30 bazavych vieličyń. Kali ž vynikam stanie śmierć čałavieka, vam pahražaje kryminalnaja adkaznaść», — adznačajuć u Lidskim RANS u kamientary ANT.
Što tyčycca dvara žyłoha šmatkvaternaha doma, to zakanadaŭstvam nie zabaroniena raspalvać manhał u takich miescach. Praŭda, treba vykonvać niekatoryja praviły.
«Pa-pieršaje, nielha pakidać ahoń biez nahladu. Pa-druhoje, miesca dla vohnišča pavinna być rasčyščana ad haručych materyjałaŭ i suchoj raślinnaści i znachodzicca na dastatkovaj adlehłaści ad budynkaŭ i zbudavańniaŭ. Zabaraniajecca raspalvać ahoń na tarfianych hruntach i pad kronami dreŭ. Taksama pobač z vohniščam pavinny znachodzicca 10-litrovaje viadro z vadoj ci zvyčajny vohnietušyciel. Tady štraf vy nie atrymajecie.
Hałoŭnaje — sačyć za iskrami. U vypadku mocnaha vietru jany mohuć stać pryčynaj pažaru. Kali z-za vašaha vohnišča zaharycca łaŭka abo aŭtamabil susieda, adkazvać pryjdziecca pa ŭsioj strohaści zakona. Paśla pryhatavańnia šašłyku vuhli varta zalić vadoj», — adznačyli ŭ RANS.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary