Eks-zorka łondanskaha «Arsienała» praciahnie karjeru ŭ Miedyjnaj futbolnaj lizie (MFL). Jon budzie hulać za «Goats» («Kazły»), paviedamlaje telehram-kanał kłuba.
«Jon byŭ u zajaŭcy i ŭ minułym siezonie, ale tak i nie zhulaŭ. U hetym siezonie my ŭsio vypravim i źviazak Hleb + Hleb budzie bliskać na palach MFL», — adznačaje «Goats».
U «Goats» hulaje małodšy brat Alaksandra Viačasłaŭ.
Z kanca 2010-ch u Rasii nabraŭ moc miedyjafutboł. Hulcy, jakija ŭžo nie imknucca da trafiejaŭ vialikaha futboła, abjadnoŭvajucca ŭ kamandy z błohierami i miedyjnymi zorkami, źbirajuć stadyjony i miljony prahladaŭ u sacsietkach.
Padrabiazna pra MFL (Miedyjnuju futbolnuju lihu) možna pračytać nižej pa spasyłcy.
U Biełarusi stvarajuć miedyjny futbolny kłub
U MFŁ užo zhulanyja try siezony, 12 žniŭnia adbyłosia losavańnie čaćviertaha siezona.
Kamandy raźbityja na čatyry hrupy: «Goats» budzie hulać u hrupie A z «Radzima miedyja», «Narodnaj kamandaj», «Ehrysi», a taksama pieramožcam styku «Kickstown» — «Ars».
Alaksandru Hlebu 42 hady. Jon hulaŭ za BATE, niamiecki «Štuthart» (2000—2005), anhlijski «Arsienał» (2005—2008), katałonskuju «Barsiełonu» (2008-2009), ź jakoj vyjhraŭ trebł, adnak nie zdoleŭ zamacavacca ŭ katałonskim kłubie i viarnuŭsia ŭ «Štuthart».
Taksama pahulaŭ za anhlijski «Birminhiem Sici», pahulaŭ za niamiecki «Volfsburh», tureckija «Końjaspor», «Hienčlerbirlihi», rasijskija «Kryły Savietaŭ», čatyry razy viartaŭsia ŭ BATE, a skončyŭ karjeru ŭviesnu 2020 hoda ŭ biełaruskaj «Isłačy».
Taksama Hleb zhulaŭ za zbornuju Biełarusi (2001—2019) zhulaŭ 80 matčaŭ, zabiŭ 6 miačoŭ.
Padčas futbolnaha prastoju ŭ 2020—2023 hadach Alaksandr Hleb aktyŭna ŭdzielničaje ŭ praŭładnych mierapryjemstvach, naprykład, zhulaŭ u futboł u adnoj kamandzie z praŭładnymi Dźmitryjem Baskavym, Siarhiejem Rutenkam i Alaksandram Bahdanovičam na Kubku pasolstva Rasii. Ni razu nie padtrymaŭ pieramien u Biełarusi i narod Ukrainy.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary