Incydent na miažy Litvy ź Biełaruśsiu: nieviadomyja asoby ź biełaruskaha boku zrezali dva słupy ź videakamierami
22 žniŭnia na Kabielajskim pamiežnym učastku, dzie niama fizičnaha barjera, dvoje čałaviek ź Biełarusi parušyli miažu Litvy, zrezaŭšy dva słupy ź videakamierami. Hetuju infarmacyju Delfi paćvierdziŭ pres-sakratar Słužby achovy dziaržmiažy Hiedrus Mišucis. Pačata dva rasśledavańni.
«Dva čałavieki pryjšli ź biełaruskaj terytoryi, zrezali dva słupy z kamierami. Paškodžany kabiel, ale siońnia ŭžo prachodziać sustrečy z padradčykam, iduć raboty pa adnaŭleńni», — skazaŭ jon. Pavodle słoŭ pradstaŭnika Słužby achovy dziaržaŭnaj miažy, hetyja kamiery prahladali nievialiki ŭčastak zony, dla kantrolu nad hetym učastkam ciapier vykarystoŭvajuć inšyja srodki.
«Navat paśla taho, jak nie stała hetych słupoŭ, inšyja kamiery «prahladajuć» hety ŭčastak», — zapeŭniŭ Mišucis.
Pavodle jaho, pačata rasśledavańnie ŭ suviazi ź niezakonnym pierasiačeńniem miažy i psavańniem majomaści. Mišucis źviarnuŭ uvahu na toje, što vypadki paškodžańnia roznaj techniki na miažy fiksujucca časta — tolki letaś zafiksavana 450 takich vypadkaŭ. Čaściej za ŭsio razrazajuć fizičny barjer — płot, kalučy drot, ale ŭžo byli sproby raźbić kamiery. Chto mienavita heta robić — sami pamiežniki susiedniaj krainy abo inšyja asoby, — nieviadoma. Apošnim časam płyń nielehałaŭ, jakija sprabujuć pierajści miažu ź Litvoj z boku Biełarusi, stała značna mienšaj.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary