Biełaruska ŭ Polščy danaciła ŭ połk Kalinoŭskaha, ale hrošy nie dajšli. Pa viartańni ŭ Biełaruś jaje asudzili na try hady kałonii
Stali viadomyja padrabiaznaści suda nad palitźniavolenaj Nastaśsiaj Pietračenkaj, jakaja sprabavała pieravieści hrošy pałku imia Kastusia Kalinoŭskaha, ale tranzakcyja nie prajšła. Dziaŭčynie pierakvalifikavali abvinavačańnie, piša «Viasna».
Jak stała viadoma z sudovaj pastanovy, Nastaśsia paśla pačatku poŭnamaštabnaha ŭvarvańnia Rasii va Ukrainu pierajechała ź Biełarusi ŭ Polšču.
Znachodziačysia ŭ susiedniaj krainie, jana pasprabavała zrabić achviaravańnie sa svajho biełaruskaha bankaŭskaha rachunka praź internet-bankinh pałku imia Kalinoŭskaha pamieram 16,71 dalara, adnak tranzakcyja nie prajšła.
Paźniej palitźniavolenaja vyrašyła viarnucca ŭ Biełaruś, dzie była zatrymanaja. U vyniku jaje abvinavacili ŭ zamachu na finansavańnie ekstremisckaha farmavańnia i pierakvalifikavali abvinavačańnie z č. 1 art. 361-2 na č. 1 art. 14 — č. 1 art. 361-2 Kryminalnaha kodeksa.
Varta adznačyć, što na momant pieraliku srodkaŭ Nastaśsiaj połk imia Kalinoŭskaha nie byŭ pryznany «ekstremisckim farmavańniem».
14 červienia 2023 sudździa Rusłan Caruk asudziŭ Nastaśsiu Pietračenku na try hady pazbaŭleńnia voli ŭ kałonii ahulnaha režymu.
Padtrymajcie palitźniavolenuju: SIZA-3, 246003, h. Homiel, vuł. Knižnaja, 1A, Nastaśsia Alehaŭna Pietračenka.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj27
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Biednaja dziaŭčyna, jak i tyja ajcišniki bajałasia što mabilizujuć dy vajavać pryjdziecca.