Upieršyniu za amal try hady pasoł krainy ES uručyła kopii davierčych hramat kiraŭniku MZS
14 vieraśnia ministr zamiežnych spraŭ Siarhiej Alejnik sustreŭsia z pasłom Vienhryi ŭ Respublicy Biełaruś Zitaj Iłonaj Bienčyk z nahody ŭručeńnia joju kopij davierčych hramat.
«Baki abmierkavali stan i pierśpiektyvy raźvićcia dvuchbakovych adnosin, a taksama aktualnyja pytańni mižnarodnaha paradku dnia. Surazmoŭcy paćvierdzili hatoŭnaść da praciahu ŭzajemapavažlivaha dyjałohu i dalejšaha naroščvańnia supracoŭnictva ŭ śfierach uzajemnaj cikavaści», — paviedamiła biełaruskaje viedamstva.
U lutym 2022 hoda davierčyja hramaty ŭručyła pasoł Šviejcaryi Kryścin Chonehier-Załatuchin, paśla čaho była vyzvalena Natalla Chierše. Ale kraina nie ŭvachodzić u ES.
Apošnim pasłom krainy ES, jaki ŭručyŭ kopii davierčych hramataŭ ministru zamiežnych spravaŭ Biełarusi, staŭ francuzski pasoł Nikala de Lakost. U śniežni 2020 hoda jon uručyŭ kopii hramat Uładzimiru Makieju, adznačaje Radyjo Svaboda.
Praz hod i dva miesiacy jon pakinuŭ krainu na patrabavańnie MZS. Pryčynaj nazyvałasia jaho admovu ŭručyć davierčyja hramaty Łukašenku. Paźniej Lakost, pavodle MZS Francyi, staŭ vykonvać abaviazki «śpiecyjalnaha pasłańnika pa Biełarusi».
Paśla pratestaŭ 2020 hodu suprać falsifikacyi vybaraŭ, krainy ES panizili svoj uzrovień dypłamatyčnaj prysutnaści.
Dva miesiacy tamu kopii davierčych hramat Ministerstvu zamiežnych spraŭ Biełarusi pa prybyćci ŭ Minsk uručyŭ novy kiraŭnik pradstaŭnictva ES u Biełarusi Sten Niorłaŭ. Pry hetym tady MZS Biełarusi nie paviedamiła ab hetym palityčnym žeście, jak robić zvyčajna ŭ takich vypadkach.
Raniej, u lutym 2023 hoda, kiraŭnik MZS Vienhryi Peter Sijarta naviedaŭ Minsk ź vizitam, paśla jakoha zajaviŭ, što pieradaŭ biełaruskamu boku prośbu nie rabić zachadaŭ, jakija mohuć pryvieści da zaciahvańnia abo pašyreńnia vajny va Ukrainie.
Pry hetym Vienhryja adzinaja ź ES nie padtrymała dakłada ABSIE ab parušeńniach pravoŭ čałavieka ŭ Biełarusi. Taksama Vienhryja damahajecca, kab z budučaha pakietu sankcyj ES prybrali troch čałaviek, u tym liku kiraŭnika Biełaruskaj čyhunki Uładzimira Marozava.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary