Biełarusa zatrymali za zamach na rasijskaha vajskoŭca ŭ Krymie, u jaho znajšli schovišča z vybuchoŭkaj — miedyja
Zamach adbyŭsia 23 vieraśnia ŭ Džankoje — «Šeŭrale Aviea», jaki naležyć vajskoŭcu, uzarvali z dapamohaj samarobnaha vybuchovaha prystasavańnia vahoj 500 hram u tratyłavym ekvivalencie.
Śledčy kamitet Rasii miarkuje, što da vybuchu moh być datyčny 61-hadovy Viačasłaŭ Piskunoŭ — «hramadzianin Biełarusi, zarehistravany ŭ Čechii, jaki pražyvaje ŭ Sievastopali», piša Baza.
Pavodle «Bazy», śledčyja praviali pieratrus u Sievastopali i znajšli ceły schron, jaki naležyć Piskunovu: elektradetanatary, amal 2 kh hieksahienu, pistalet-kulamiot i 138 patronaŭ.
Pavodle viersii SK, z najaŭnych kampanientaŭ 20 vieraśnia mužčyna sabraŭ samarobnaje vybuchovaje prystasavańnie i ŭstalavaŭ bombu na mašynu vajskoŭca.
Piskunoŭ, pavodle vydańnia, daŭ pryznalnyja pakazańni. Jon zatrymany. Jak piša «Baza», na jaho raspačali spravu za sprobu zabojstva, zachoŭvańnie vybuchovych rečyvaŭ i naŭmysnaje paškodžańnie majomaści.
Kamientary