Hramadstva

U Breście siłaviki zatrymali inžyniera, abvinavačvajuć u zdymkach vajskovaj techniki. Jak na jaho mahli vyjści?

U Breście siłaviki zatrymali inžyniera-enierhietyka — jaho vinavaciać u adpraŭcy ŭ čat videa z vajskovaj technikaj.

Alaksandr Bojka. Fota: jahonaja staronka Ukantakcie (archiŭnaja kopija)

Zatrymanamu Alaksandru Bojku 36 hadoŭ. Zhodna ź infarmacyjaj ź jahonych sacsietak, jon raniej pracavaŭ u kampanii «Santa Bremar». U videa, zapisanym siłavikami, jon kaža, što pracuje inžynieram-enierhietykam. U mužčyny jość žonka i troje niepaŭnaletnich dziaciej.

Paviedamlajecca, što paśla pačatku vajny jon vykładaŭ videa ź pierasoŭvańniami vajskovaj techniki RF u telehram-čat. Havorka pra telehram-čat błohiera Alaksandra Rykava, jaki maje psieŭdanim BalaganOff. Faktyčna, tolki hetym jon i pryciahnuŭ uvahu — kamientary ŭ adkrytych čatach zaŭždy ŭ adkrytym dostupie i navat kali ich vydalić, to jany mohuć zachavacca ŭ archivach siłavikoŭ.

U videa HUBAZiKa zatrymany mužčyna kaža, što vykłaŭ videa pra pierasoŭvańnie vajennaj techniki, bo pieražyvaŭ, što Biełaruś moža ŭstupić u vajnu va Ukrainie.

Ciapier Alaksandr zatrymany. HUBAZiKaŭcy śćviardžajuć, što suprać jaho zaviali kryminalnuju spravu.

Jak jaho mahli adšukać?

Jość niekalki šlachoŭ. Prosta «źliŭnymi» telehram-botami jahony akaŭnt nie «bjecca».

Jaho mahli adšukać, bo jon karystaŭsia starym akaŭntam, 2017 hoda, kali ŭ telehramie nie było mahčymaści adklučyć pošuk pa numary dla nieznajomcaŭ. Hetym amal napeŭna karystalisia śpiecsłužby dla napaŭnieńnia ŭłasnych bazaŭ.

Taksama jon moh vypadkova vydać svaje piersanalnyja źviestki ŭ niejkim niepalityčnym čacie nakštałt «Barachołka Brest» abo «Miažabaj (Brest)», a taksama ŭ čatach pa pieravozkach, u jakich jon byŭ.

Začepkaj mahło być videa, jakoje jon vykładaŭ u adzin čataŭ — pa im možna zrazumieć, jakaja ŭ jaho marka mašyny, a ŭ mietadanych «zašytyja» dakładnyja kaardynaty zdymak. Mietadanyja nie zacirajucca dla videa, jakija vy zahružajecie ŭ telehram u vyhladzie fajłaŭ.

Jašče adzin varyjant — jaho nie šukali, a natyknulisia na jaho vypadkova. Heta mahło adbycca padčas zatrymańnia ź inšaj nahody abo praź inšaha zatrymanaha čałavieka, u jakoha jon byŭ u kantaktnaj knižcy abo siarod dyjałohaŭ.

«Naša Niva» — bastyjon biełaruščyny

PADTRYMAĆ

Kamientary

Ciapier čytajuć

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia3

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia

Usie naviny →
Usie naviny

U Lidzie da Dnia biełaruskaha piśmienstva źjavilisia łaŭki-pazły

U DTZ pad Ivacevičami zahinuli piać čałaviek

Vens zajaviŭ pra hatoŭnaść Pucina da «vialikich kampramisaŭ» pa Ukrainie6

Kab nabyć kvitok na transpart praz mabilny dadatak, ciapier daviadziecca dapłačvać1

U Nihieryi raskryli machlarskuju schiemu z atrymańniem biełaruskich viz2

Rezka źniziŭsia ŭvoz zachodnich aŭtamabilaŭ praź Biełaruś u Rasiju1

U Loźnienskim rajonie siamja dziesiać hadoŭ adnaŭlała chatu, a paśla ŭvadnačas jaje straciła1

Biełaruska raskazała, jak naradziła dzicia prosta ŭ mašynie4

U «DNR» zavočna sudziać biełaruskaha dobraachvotnika4

bolš čytanych navin
bolš łajkanych navin

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia3

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia

Hałoŭnaje
Usie naviny →

Zaŭvaha:

 

 

 

 

Zakryć Paviedamić