Jak stała viadoma «Našaj Nivie», siońnia byli zatrymany kiraŭniki viadučych dziaržaŭnych małakazavodaŭ pa ŭsioj krainie. Detalaŭ vobmal, ale možna mierkavać, što sens amal identyčny raniejšaj «cukrovaj spravie» — karupcyja i machinacyi pry prodažy małaka ŭ Rasiju.
Pra zatrymańni kiraŭnikoŭ małakazavodaŭ «Našaj Nivie» stała viadoma ad troch nie źviazanych miž saboj krynic.
My viedajem pra zatrymańni na Lepielskim małočnym kambinacie, a taksama ŭ strukturach mahiloŭskaj «Babuškinoj krynki» — farmalna pryvatnaha pradpryjemstva, dzie absalutnaja bolšaść akcyj naležyć dziaržavie.
Adbylisia zatrymańni i ŭ inšych haradach, ale adnosna ich my nie majem dakładnaj infarmacyi. Pakul nieviadomy i sens pretenzij.
Imavierna, havorka idzie pra abvinavačvańni ŭ adkatach ad dyleraŭ za pastaŭki tannaj pradukcyi, jak heta było, naprykład, u «cukrovaj spravie», pa jakoj zatrymlivali dyrektaraŭ cukrovych zavodaŭ.
Tam adnym z mahistralnych abvinavačvańniaŭ było toje, što paśla stvareńnia «Biełaruskaj cukrovaj kampanii», jakaja miełasia realizoŭvać cukar, jaje kiraŭnictva vybirała kontrahientaŭ pa karupcyjnych schiemach, a ŭziać tavar biez adkatu nibyta było niemahčyma.
Što datyčyć małaka, to Biełaruś vyrablaje ŭ razy bolš małaka, čym spažyvaje ŭnutrany rynak. Asnoŭnyja hulcy na rynku pierapracoŭki małaka — dziaržaŭnyja zavody. Svaju pradukcyju jany pradajuć u asnoŭnym na rasijski rynak.
Sprava realizacyi dziaržaŭnaj pradukcyi na źniešnija rynki amal va ŭsich śfierach tradycyjna nieprazrystaja. U niekatorych vypadkach režym premiruje patrebnych ludziej za łajalnaść mahčymaściu brać na zavodach tannuju pradukcyju i pradavać jaje doraha za miažu.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary