Pavieście vykarystany pakiecik harbaty na batareju. Efiekt paraduje
Pakiecik harbaty zvyčajna paśla vykarystańnia vykidvajecca. Adnak jość niekalki sposabaŭ jaho vykarystańnia. Adzin ź ich — paviesić na batareju ci na ručku dźviarej. Raskazvajem, u čym tut karyść.
Harbata, jak i kava, źjaŭlajecca adnym z samych papularnych napojaŭ. Jak śćviardžajuć daktary, abodva napoi stanoŭča ŭpłyvajuć na zdaroŭje čałavieka. Kali na kavavaj huščy paśla možna pavaražyć, to jakaja karyść ad skarystanaha pakiecika harbaty?
Akazvajecca, jość dastatkova dziŭnych sposabaŭ jaho ŭžyvańnia. Samy chiba što viadomy — vykarystańnie ŭ jakaści kampresu dla stomlenych, razdražnionych ci apuchłych vačej. Efiekt palohki i viartańnia śviežaści možna pavialičyć, kali pakłaści pakiecik na niekatory čas u chaładzilnik. Taki chałodny kampres časam moža stać sapraŭdnaj znachodkaj.
Vykarystany pakiecik z harbataj taksama prydasca dla čystki roznych pavierchniaŭ. Dziakujučy svajoj šurpataj pavierchni vilhotny i ciopły pakiecik idealna padydzie dla vydaleńnia brudu z rakaviny ci šafaŭ. Niepasredna harbata vałodaje ačyščalnymi i abiastłuščvalnymi ŭłaścivaściami. Ale nie ryzykujcie sa śvietłymi stalnicami.
Jašče adna aryhinalnaja ideja vykarystańnia pakiecika — paviesić jaho na ručku dźviarej ci radyjatar aciapleńnia. Tolki papiarednie nakapajcie na jaho efirnaha masła. U takoj jakaści pakiecik zamienić aśviažalnik pavietra. Aramat budzie raspaŭsiudžvacca kožny raz, jak dźviery buduć adčyniacca ci začyniacca. Kali ž taki pakiecik paviesić na batareju, to efiekt budzie jašče lepšy, bo ciapło ŭzmacnić pryjemny vodar.
Pakiecik na ručcy dźviarej ci batarei, mahčyma, vyhladaje nieestetyčna, adnak heta kampiensujecca pryjemnym pacham.
Čytajcie jašče:
Ci karysnyja dla serca mocnaja kava i harbata
Japonski čaj matča (macia): čym jon karysny i jak hatavać
Toje, jak my trymajem kubak, raskryvaje asablivaści našaha charaktaru
Ciapier čytajuć
Jak u halečy śpivałasia radnia Łukašenki? Małaviadomyja fakty24
Kamientary