Kazachstan nie pahadžajecca z płanami Biełarusi pavysić taryfy za tranzit nafty
Kazachstan nie zhodny z pavyšeńniem taryfu na prapampoŭku nafty pa terytoryi Biełarusi i budzie vieści pieramovy ź biełaruskim bokam, paviedamili ŭ Ministerstvie enierhietyki hetaj krainy.
«Kazachstanski bok nie zhodny ź idejaj pavyšeńnia taryfu transparciroŭki nafty (na 43%) pa terytoryi RB i ličyć nieabchodnym praviadzieńnie adpaviednych pieramoŭ pa hetym pytańni ź Ministerstvam ekanomiki Respubliki Biełaruś i kancernam «Biełnaftachim», — havorycca ŭ kamientary kazachstanskaha Ministerstva enierhietyki.
U Ministerstvie nahadali, što pamiž Kazachstanam, Hiermanijaj i Rasijaj u kancy 2022 hoda była dasiahnuta damoŭlenaść pa transpartavańni kazachstanskaj nafty praź sistemu PAT «Transnafta» ŭ abjomie da 1,2 młn ton u hod praź sistemu «Družba» ŭ kirunku Hiermanii.
«Na hety momant Kazachstan i Rasija ŭzhadnili na 2024 hod techničnuju mahčymaść transpartavańnia pa hetym maršrucie ŭ raniejšych abjomach — da 1,2 młn ton u hod», — havorycca ŭ kamientary viedamstva.
Pry hetym kazachi adznačyli, što ŭ vypadku pavieličeńnia cany prapampoŭki pa terytoryi Biełarusi na 43,4% straty Kazachstana mohuć skłaści kala 2,64 młn dalaraŭ.
Raniej źjaviłasia infarmacyja, što dla paŭnočnaj haliny naftapravoda «Družba», pa jakoj ciapier idzie tolki kazachstanskaja nafta, Minsk prapanuje pavysić taryf na 43%, a dla paŭdniovaj, pa jakoj praciahvajucca pastaŭki nafty z Rasii,— tolki na 14,5%.
«Kazachstan nie budzie ryzykavać». Čamu kazachi nie puskajuć da siabie «Boinhi» ź Biełarusi
-380 hradusaŭ! U Kazachstanie žycharoŭ napužali papiaredžańniem pra marazy niečuvanaj surovaści
«Kasym-Žamart, pryjšoŭ čas». Nazarbajeŭ raskazaŭ, pry jakich abstavinach paviedamiŭ pra svajo rašeńnie syści
Krainy APIEK+ damovilisia ab dalejšym skaračeńni zdabyčy nafty
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary