Łukašenka ciapier nie prosta chrypić, a naohuł straciŭ hołas VIDEA
Jahonaja pres-słužba abžartavała heta tym, što hrošy lubiać cišyniu. A narada była nakont cen.
Siońnia Alaksandr Łukašenka pravodziŭ naradu nakont cen. Jon adrazu paviedamiŭ, što budzie havaryć šeptam, ale adkładać naradu niama kudy.
Jon skazaŭ, što kali ŭradu bolš za hod tamu było daručana zaniacca hetaj prablemaj, razmova nie išła ab zamarožvańni abo navat strymlivańni cen.
«Havorka išła ab rehulavańni cenaŭtvareńnia. Dzieści strymlivali. Dzieści ceny padrastali. Ekanomiku nie padmanieš, — skazaŭ jon. — My cudoŭna razumiejem, što kali zamarozić canu tam, dzie jaje nielha zamarozić, — zaŭtra źniknie tavar, nichto ŭ nas sa stratami pracavać nie budzie».
Ciapier Alaksandr Łukašenka zajaviŭ, što ŭ Biełarusi z 1 studzienia pavinna być dakładnaja, zrazumiełaja sistema rehulavańnia cen. Jaje padrabiaznaści nieviadomyja.
Miž tym 6 kastryčnika Łukašenka vypuściŭ dyrektyvu mienavita ab poŭnaj zamarozcy cen u Biełarusi. Ciapier z 714 arhanizacyj handlu, jakija ŭličvajucca Biełstatam, 137 apynulisia stratnymi za 10 miesiacaŭ hetaha hoda.
19 śniežnia na naradzie Łukašenka taksama chrypieŭ i vyhladaŭ chvaravita.
Presavaja słužba Łukašenki ničoha nie paviedamlaje pra jaho zdaroŭje. Paharšeńnie jaho stanu biełarusy mohuć tolki bačyć.
U mai 2023 hoda palityk zachvareŭ i źnik na piać dzion. 9 Maja na paradzie ŭ Maskvie na jaho ruce zaŭvažyli bint. Łukašenka nie zmoh prajści ź inšymi kiraŭnikami dziaržaŭ niekalki socień mietraŭ ad trybuny da Alaksandraŭskaha sada, jaho vieźli asobna elektramabilem. Uviečary jon pieršy raz za čas svajho kiravańnia nie zmoh pračytać pramovu na ŭskładańni kvietak na płoščy Pieramohi, za jaho heta zrabiŭ ministr abarony Viktar Chrenin.
Tolki 15 maja Łukašenku pakazali narodu — jon naviedvaŭ kamandny punkt VPS i vojskaŭ SPA. Na mocna retušavanym fota BiełTA jon vyhladaŭ vaskovaj fihuraj.
Paźniej palityk skazaŭ, što ŭ jaho byŭ adenavirus. I dadaŭ, što pamirać nie źbirajecca i «mučycca vy sa mnoj budziecie doŭha».
A 23 listapada, sustrakajučy Pucina na samicie ADKB u Minsku, Łukašenka dziŭna dryžaŭ. Raniej takoje dryžańnie ŭ abjektyŭ nie traplała. Taki tremar moža być jak prykmietaj stareńnia, tak i simptomam chvarobaŭ abo emacyjnaha napružańnia.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary