Karł III kładziecca ŭ balnicu lačyć prastatu, jahonaj niaviestcy taksama niezdarovicca
Na nastupnym tydni karol Vialikabrytanii Karł III budzie źmieščany ŭ balnicu dla lačeńnia pavialičanaj prastaty. U Bukinhiemskim pałacy zajavili, što havorka idzie pra dabrajakasnaje novaŭtvareńnie, jakoje paddajecca lačeńniu, paviedamlaje Bi-bi-si.
Publičnyja vystupy 75-hadovaha karala adkłali na niekatory čas, pakul jon budzie adnaŭlacca paśla lačeńnia, paviedamili ŭ pałacy.
«Jak i tysiačy mužčyn kožny hod, karol źviarnuŭsia da lekaraŭ dla lačeńnia pavialičanaj prastaty», — havorycca ŭ zajavie pałaca.
Pavodle danych Nacyjanalnaj słužby achovy zdaroŭja Vialikabrytanii, dabrajakasnaje pavieličeńnie prastaty časta sustrakajecca ŭ mužčyn va ŭzroście 50+. Zvyčajna heta nie surjoznaje zachvorvańnie.
A voś situacyja ź inšym členam brytanskaha karaleŭskaha doma, 42-hadovaj pryncesaj Uelskaj Ketryn, zdajecca, bolš surjoznaja. Jana pieraniesła apieracyju na brušnoj połaści. Pryncesie praviali płanavuju apieracyju ŭ pryvatnaj klinicy ŭ Łondanie, paviedamiŭ Kiensinhtonski pałac. Apieracyja prajšła paśpiachova, i Ketryn zastaniecca ŭ balnicy pad nahladam miedykaŭ ad 10 da 14 dzion. Adznačajecca, što ŭ pryncesy nie rak, ale bolš detalaŭ nie paviedamili.
Jak z praciahłaści zapłanavanaha znachodžańnia Ketryn u balnicy, tak i z tony zajavy pałaca stanovicca jasna, što chvaroba ŭ jaje davoli surjoznaja. Adnaŭleńnie paśla chvaroby moža doŭžycca da troch miesiacaŭ.
U śniežni ŭ pryncesy było davoli zahružany raskład, i nijakich prykmiet taho, što jana drenna siabie adčuvała padčas publičnych vystupaŭ, nie było.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary
Usim zdaroŭja