Kala pamiežnaha punkta propusku «Pryvałka» znoŭ sabrali i niekudy źvieźli ŭsie rovary
Siońnia ź lesu ŭzdoŭž miažy Biełarusi (pablizu punkta propusku «Pryvałka») viazuć rovary, na jakich hrodziency zvyčajna jeździać u Litvu biez čerhaŭ. Heta adbyvajecca ŭžo nie pieršy raz, piša autogrodno.by.
Ranicaj da najbližejšaha da Hrodna dziejnaha punkta propusku pryjechali rabočyja na mašynie HAZ, pryparkavalisia kala lesu i stali hruzić u mašynu rovary, pakinutyja kala dreŭ.
Upieršyniu padobny vypadak adbyŭsia hod tamu — u lutym 2023-ha. Ale da traŭnia rovary znoŭ nazapasilisia ŭzdoŭž darožnych znakaŭ i dreŭ, i ich znoŭ vyvieźli.
Pakidać rovary ŭzdoŭž miažy zručna kiroŭcam-dalnabojnikam. Jany pryjazdžajuć na fury z boku Litvy i zajazdžajuć u nazapašvalnik pierad miažoj. Tam možna prastajać bolš za sutki. Kali čałaviek žyvie ŭ Hrodnie, to jamu vielmi zručna pierajechać miažu na rovary. Ź biełaruskaha boku jaho padbiraje, naprykład, žonka, i možna źjeździć dadomu. Paśla kiroŭca viartajecca, sadzicca ŭ mašynu i vyjazdžaje z nazapašvalnika.
Mužčyna, u jakoha adnojčy ŭžo źnik rovar, raskazvaŭ, što prablema nie ŭ košcie transpartnaha srodku (jon kaštuje kala 50 rubloŭ), a ŭ tym, što, nie znajšoŭšy svajho rovara, možna spaźnicca na pracu.
«Rovary z-pad punkta propusku «Pryvałka» pieramiaścili ŭ suviazi z tym, što mnohija ź ich znachodzilisia ŭzdoŭž darohi ŭžo doŭhi čas. Možna skazać, jany byli kinutyja. Ich ułaśniki mohuć źviarnucca na paznačany adras i zabrać svaju majomaść nazad», — prakamientavaŭ situacyju aficyjny pradstaŭnik UUS Hrodzienskaha abłvykankama Jarasłaŭ Vasileŭski.
Kab zabrać rovar, pažadana mieć pry sabie niejkija dakumienty na jaho albo ŭskosnyja dokazy taho, što heta vaša reč. Takim dokazam moža być, naprykład, fatahrafija čałavieka z hetym rovaram.
«Mahčymaść pabačyć stolki ŭsiaho novaha — daloka nie va ŭsich prafiesijach». Kucharka z Hrodna piać hadoŭ pracuje dalnabojnicaj i dahetul u zachapleńni
Miažu Rasii ź Biełaruśsiu zakryli dla ŭsich fur z kiroŭcami-inšaziemcami
Jak biełaruskich kiroŭcaŭ viarbujuć dla nielehalnaj pieravozki mihrantaŭ pa Jeŭropie
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary