Kapusta, zapiečanaja ŭ duchoŭcy — prosty i vielmi smačny harnir, jaki hatujecca za ličanyja chviliny. Da jaho možna dadać rybu ci miasa, a možna padać u jakaści asnoŭnaj stravy.
Fota: Vicky Wasik / seriouseats.com
Zapiakańnie ŭ duchoŭcy i sous daduć kapuście lohkaje sałodka-arechavaje adcieńnie smaku. Časam kapustu, pryhatavanuju pa hetym recepcie, nazyvajuć «stejkam» — nie tolki z-za źniešniaha vyhladu, ale i tamu, što ježa atrymlivajecca sytnaj i navat pachnie jak sapraŭdny stejk.
Na 4 porcyi spatrebicca:
- 1 biełakačannaja kapusta
- 80 mł aliŭkavaha aleju
- 1 stałovaja łyžka papryki
- 1 stałovaja łyžka kuminu
- 1 čajnaja łyžka šmatkoŭ čyrvonaha piercu
- 2 čajnyja łyžki časnočnych šmatkoŭ
- sol
- pierac
- nasieńnie kunžutu
- piatruška
Dla sousu:
- 4 stałovyja łyžki tachini
- 2 stałovyja łyžki chałodnaj vady
- 1 čajnaja łyžka limonnaha soku
Jak hatavać:
- Razrežcie kapustu napałam, a zatym na 8 častak.
- U nievialikuju misku dadajcie alej, papryku, kumin i časnočny parašok. Prypraŭcie sollu i piercam.
- Vykładzicie łustački kapusty na blachu, zasłanuju papieraj dla vypiečki. Vyšmarujcie abodva baki kožnaha kavałka kapusty aliŭkavym alejem.
- Zapiakajcie ŭ duchoŭcy 40 chvilin pry tempieratury 200°C. Praz 20 chvilin pieraviarnicie kapustu.
- Tym časam źmiašajcie tachini, vadu i limonny sok u siaredniaj miscy. Dobra ŭźbicie, kab atrymać adnastajnuju kansistencyju.
- Kali sous zanadta vadki, dadajcie jašče tachini. Kali zanadta husty, dadajcie jašče krychu vady.
- Jak tolki kapusta zapiačecca, palicie jaje sousam, dadajcie trochi kunžutu, a taksama piatruški ŭ jakaści ŭpryhožvańnia i padavajcie.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
nuda-nuda - kazie-roh )