Viarchoŭny sud pačynaje razhlad spravy pamierłaha dzieviać hadoŭ tamu Uładzimira Katruka, jakoha abvinavačvajuć u złačynstvach u Chatyni
U spravie 35 tamoŭ, pa joj prachodziać kala 40 śviedak.
Sudovy praces pa kryminalnaj spravie nacysckaha karnika Uładzimira Katruka, jaki pry žyćci nie byŭ pryciahnuty da kryminalnaj adkaznaści, pačniecca siońnia ŭ Viarchoŭnym sudzie Biełarusi, piša «Sputnik».
Dva z pałovaj hady tamu Hienprakuratura pačała rasśledavańnie kryminalnaj spravy ab hienacydzie biełaruskaha naroda ŭ hady Druhoj suśvietnaj vajny, potym źjaviłasia asobnaja sprava ŭ dačynieńni da Katruka.
«Viarchoŭny sud pa pieršaj instancyi ŭ 10:00 pačnie sudovaje raźbiralnictva pa kryminalnaj spravie pa abvinavačvańni Katruka U.K. (1921 — 2015) u ździajśnieńni złačynstva, praduhledžanaha art. 127 KK (hienacyd)», — paviedamili Sputnik u sudzie.
U spravie 35 tamoŭ, pa joj prachodziać kala 40 śviedak, u Viarchoŭny sud jaho nakiroŭvaŭ hienprakuror Biełarusi Andrej Švied.
Kamientary