Rasijskija vojski pierarezali čyhunačnuju liniju ŭ centry Aŭdziejeŭki — analityk Bild
Rasijskija vojski praciahvajuć prasoŭvacca ŭ bitvie za Aŭdziejeŭku. Napiaredadni jany dasiahnuli čyhunačnaj linii ŭnutry haradskoj rysy, u rajonie vulicy Čyściakova.
Takim čynam im zastajecca ŭsiaho 700 mietraŭ da Industryjalnaha praśpiekta — apošniaj darohi, jakaja źviazvaje horad z padkantrolnaj Ukrainie terytoryjaj. Ekśpiert Julijan Ropkie piša sa spasyłkaj na ŭkrainskija krynicy, što zaraz US RF kantralujuć 18% terytoryi Aŭdziejeŭki.
«Ukrainski bieśpiłotnik skidaje snarad za snaradam na šaściarych nadychodziačych rasijskich sałdat, jakija prachodziać 700 mietraŭ praz Aŭdziejeŭku. U vyniku troje ź ich (jak minimum) paranieny. Ale niama nivodnaha ŭkrainskaha sałdata, jaki moh by supraćstajać im, jakija ruchajucca na zachad», — kamientuje ekśpiert adzin ź videazapisaŭ.
Pavodle jaho słoŭ, «padzieńnie Aŭdziejeŭki ŭzmacniajecca z kožnym dniom», a pa miery ŭzmacnieńnia žorstkaści vuličnych bajoŭ suadnosiny strat stanovicca ŭsio mienš vyhadnym dla USU.
Tamu Ropke nazyvaje hetuju bitvu «Bachmutam 2.0».
Kamientary