Rasijskija vojski ŭpieršyniu zachapili žyły rajon Aŭdziejeŭki — analityk Bild
Zachoplena 10 pracentaŭ horada.
U śniežni US RF uziali pad kantrol pramzonu na paŭdniovym uschodzie Aŭdziejeŭki, kala Danieckaj kalcavoj aŭtadarohi. Jak paviedamlaje ekśpiert Bild pa analizie adkrytych danych Juljan Ropkie, zaraz jany ŭpieršyniu zachapili i žyły rajon horada. Jon znachodzicca na zachad ad pramzony, tam raźmieščany pryvatnyja damy.
Rasijanie sprabujuć nastupać adtul na poŭnač u napramku rajona «Chimik» sa šmatkvaternymi damami. Pakul što USU atrymoŭvajecca adbivać hetyja napady. Ropkie aceńvaje terytoryju, zachoplenuju rasijanami, u 10% ad ahulnaj płoščy horada.
Analityk adznačaje, što ŭ rajonie Danieckaj filtravalnaj stancyi na ŭschod ad Aŭdziejeŭki ŭtvaryŭsia vystup, jaki pa-raniejšamu kantraluje USU. Dla rasiejcaŭ heta «bialmo na voku», ale jany nie mohuć jaho ŭziać, bo jon dobra prystralany. Ukrainskija vojski źniščajuć tam lubuju rasijskuju techniku, jakaja sprabuje atakavać.
Ropkie nahadvaje, što pieršapačatkova płan Maskvy byŭ u tym, kab akružyć Aŭdziejeŭku z zachadu, nastupajučy na Stepavoje i Paŭnočnaje.
Pakul što hetyja sproby cierpiać krach, US RF niasuć ciažkija straty. Niahledziačy na častkovaje prasoŭvańnie praciŭnika, USU źniščaje ŭ hetaj bitvie sotni adzinak varožaj techniki i tysiačy sałdat.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary