«Bolš chaciełasia plunuć u tvar». Eks-palitźniavolenaja raspaviała pra fatahrafavańnie ŭ kałonii ŭ Mižnarodny dzień abarony dziaciej
U prajekcie «Mahšoty palitviaźniaŭ» biełarusy i biełaruski dzielacca historyjami, jak ich fatahrafavali ŭ miescach niavoli. Fihurantka «spravy studentaŭ» Jana Arabiejka taksama raspaviała pra toje, jak jaje fatahrafavali ŭ žanočaj kałonii 1 červienia.
Fota ŭ ramačcy sa źviarkom i podpisam «S Dniom dietstva» abiacali adpravić baćkam. Jana Arabiejka prabyła ŭ žanočaj kałonii №4 adzin hod i adzin miesiac. Jana padzialiłasia historyjaj, jakaja ź joj adbyłasia tam 1 červienia 2022 hoda:
«U kałonii byŭ konkurs na lepšy asfaltavy malunak. U nas u atradzie pierapałoch. Pryjšła novaja maładaja zahadčyca haspadarki, jakoj nie ŭsie byli rady. Žančyna, jakaja była adkaznaja za naścienhaziety našaha atrada, pavinna była ŭdzielničać u hetym konkursie. Jana navat namalavała eskiz. Ale ŭ apošni momant admoviłasia. Tady paprasili mianie. Pamiataju, što ja nie vielmi chacieła. Ale dziela novaj zahadčycy haspadarki, jakaja zdavałasia adekvatnaj, pahadziłasia.
Pa-mojmu, ja malavała niejkaje sonca na arelach. Nie viedaju, pryčym tut dzień dziacinstva… U niejki momant pryjšła kultarhanizatarka z fotaaparatam i taja ž videahrafka, što fotkała nas na birku.
Jany abviaścili, što nas sfatahrafujuć i vydaduć nam fota, a my zmožam ich adpravić baćkam. Mianie sfatahrafavali — znoŭ na videakamieru. Ja pamiataju, jak jany prasili mianie ŭśmichacca. Ale mnie vielmi nie chaciełasia — bolš chaciełasia plunuć im u tvar.
Fota i praŭda zrabili. Choć ja ŭ heta nie vieryła. Tam ja była ŭ miataj formie, a pa kruzie — durnaja ramačka i niejki źviarok u vuhłu. I podpis: «S Dniom dietstva». Heta było vielmi śmiešna. Niby vielmi iraničny miem. Ja navat zmahła pakazać fota mamie na spatkańni.
I ja vieryła, što fota nie zabiaruć pry vyzvaleńni. Jany ž sami jaho mnie dali. I sami prapanoŭvali jaho adpravić dadomu. Ale fota zabrali. Vialikaja strata. Zatoje vielmi śmiešnaja historyja».
«Butelkaj z vadoj śledčy vybiŭ mnie zuby». Były palitviazień Michaił Žamčužny raskazaŭ pra svajo apošniaje zatrymańnie
«Pastaŭcie čarku na mahile mnie». Syn pamierłaha palitviaźnia Lednika pra apošniuju razmovu z baćkam
Vošy, błochi, prusaki, pacuki. Chto žyvie ŭ biełaruskich turmach razam ź viaźniami
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary