Tavarystva pa vyratavańni na vodach arhanizavała łodkavuju pierapravu ŭ Vietkaŭskim rajonie Homielskaj vobłaści, dzie vioska Palanaŭka časova pieratvaryłasia ŭ sapraŭdny vostraŭ, raskazali u efiry teleradyjokampanii «Homiel».
Zdaryłasia tak z-za viasnovaj pavodki, bo vioska znachodzicca na Sožy. U paniadziełak vada tut padniałasia na 27 santymietry, a ŭ aŭtorak — jašče na 42 santymietry.
U vioscy ciapier žyvie 25 čałaviek, hałoŭnym čynam heta piensijaniery. Pradukty i miedykamienty im ciapier pryvoziać na łodkach, hetak ža sama pry patrebie ich buduć vazić i ŭ balnicu ŭ Vietku.
Ciapier uzrovień vady ŭ rehijonie pačaŭ patrochu spadać, ale ŭsio jašče moža źmianicca, kali pačnie rastavać śnieh u viarchoŭjach Soža ŭ Rasii.
Jak paviedamlaje Biełhidramiet, na mnohich rekach Biełarusi ciapier iduć pavodkavyja pracesy. Ratavalniki adznačajuć zatapleńni prybiarežnych terytoryj u bolšaści rajonaŭ Homielskaj i Mahiloŭskaj abłaściej, asobnych rajonach Bresckaj, Hrodzienskaj, Minskaj i Viciebskaj abłaściej.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy8
Kamientary