U bajavuju hatoŭnaść pryvodzicca miechanizavanaja bryhada. Buduć pryzyvać z zapasu
Va Uzbrojenych siłach praciahvajecca pravierka bajavoj hatoŭnaści złučeńniaŭ i vajskovyj čaściej. Zaraz pryvodziacca ŭ hatoŭnaść 19-ja asobnaja hvardziejskaja miechanizavanaja bryhada Paŭnočna-zachodniaha apieratyŭnaha kamandavańnia i šerah voinskich čaściej Zachodniaha apieratyŭnaha kamandavańnia.
U ramkach pravierki praduhledžany pryzyŭ vajennaabaviazanych z zapasu, paviedamlaje Minabarony.
Asabovamu składu złučeńnia i voinskich čaściej treba budzie vykanać uvieś kompleks mierapryjemstvaŭ pa padrychtoŭcy ŭzbrajeńnia, vajennaj i śpiecyjalnaj techniki da prymianieńnia, zahruzcy na transpart zapasaŭ materyjalna-techničnych srodkaŭ.
U dalejšym vojskam treba vyjści ŭ naznačanyja rajony i paśla ich zaniatku być u hatoŭnaści da praviadzieńnia sieryi vučeńniaŭ, u tym liku z bajavoj stralboj.
U chodzie pravierki zapłanavana pieramiaščeńnie vajennaj techniki, mahčyma časovaje abmiežavańnie ruchu hramadzianskaha transpartu pa darohach ahulnaha karystańnia i ŭčastkach miascovaści.
Zrešty, ničoha zvyšardynarnaha ŭ hetym niama. U biełaruskaj armii tradycyjna ŭ siaredzinie sakavika (a taksama ŭ vieraśni) pravodziacca takija mierapryjemstvy z pryzyvam z zapasu byłych aficeraŭ i sałdataŭ.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary