Prezident Biała-Padlaski nie dazvoliŭ fiermieram zabłakavać darohu ad miažy ź Biełaruśsiu
Prezident Polskaj Biała-Padlaski Michał Litviniuk zabaraniŭ arhanizacyju pratestu fiermieraŭ na abjaznoj darozie vakoł horada. Jana źjaŭlajecca častkaj nacyjanalnaj trasy, jakaja viadzie ad miažy Biełarusi da Varšavy, piša Most na padstavie paviedamleńniaŭ polskaj presy.
Čarhovy bujny pratest fiermieraŭ u Polščy zapłanavany na sieradu, 20 sakavika. Siarod inšaha jany mieli namier zabłakavać učastak darohi, jakaja viadzie ad pamiežnaha pierachodu ŭ Terespali i praz hruzavy terminał u Karaščynie.
Akcyju jany źbiralisia pravodzić da 26 sakavika, adkryvajučy ruch tolki raz na hadzinu ciaham 15 chvilin. Miž tym pa darozie štodnia prachodzić da niekalkich dziasiatkaŭ tysiač aŭtamabilaŭ. Pryčym apošnim časam situacyja na darozie pahoršyłasia praź vialikuju čarhu na miažy.
«Ujavicie sabie, jaki paralič horada i rehijonu vyklikali b pratestoŭcy», — patłumačyŭ svajo rašeńnie Litviniuk.
Akcyja nie tolki zabłakavała b mižnarodny tranzit, ale i ŭskładniła b dostup da miescaŭ zdareńniaŭ ekstrannym słužbam.
Padobnuju akcyju na toj ža trasie arhanizatary płanavali pravieści z kanca lutaha, ale tady jany nie padrychtavali naležnym čynam dakumienty.
Pratesty fiermieraŭ praciahvajucca ŭ Polščy ŭžo niekalki tydniaŭ. Jany piarečać suprać nieabmiežavanaha impartu sielhaspradukcyi i Zialonaha kursu — ekałahičnaj i klimatyčnaj palityki ES.
Ciapier čytajuć
Što za dvaccacihadovyja dziaŭčaty nalivajuć čaj Łukašenku4
Što za dvaccacihadovyja dziaŭčaty nalivajuć čaj Łukašenku
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary
Nia mohuć jany : to ŭ ich baćka 30 hadoŭ, ciapier užo dzied. 🤦