Pucin vyraziŭ zachapleńnie žycharami Biełharada, im paapładziravali
Uładzimir Pucin siońnia sustrakajecca sa svaimi davieranymi asobami, jakija padtrymlivali jaho na prezidenckich vybarach. Źviarnuŭ uvahu Pucin hetym razam na žycharoŭ pamiežnych rajonaŭ, pra jakich amal ničoha nie havorać rasijskija dziaržaŭnyja ŚMI.
«Chaču vykazać słovy padziaki i zachapleńnia žycharami Biełharadskaj vobłaści i inšych pahraničnych rehijonaŭ. Chaču vykazać słovy padziaki za vašuju mužnaść. I, viadoma, my zrobim usio, kab ludziej padtrymać — i tych, chto straciŭ biznes, i prosta šarahovych hramadzian, chto straciŭ žyllo. Nu ŭsio pieraličvać nie budu, jość nad čym pracavać, i my ŭsio zrobim usio, što ad nas zaležyć», — skazaŭ Pucin, jaki raźviazaŭ maštabnuju vajnu suprać Ukrainy.
Prysutnyja ŭ zale zaapładziravali biełharadcam.
Ab abstrełach Biełharada i vobłaści miascovyja žychary paviedamlajuć štodnia apošnija tydni. Pucin i rasijskija prapahandysty ŭ čas vybaraŭ demanstratyŭna rabili vyhlad, što ničoha nie adbyvajecca, pravodziačy vybary na pamiežnych terytoryjach «u štatnym režymie».
Tolki ŭčora biełharadskija ŭłady paviedamili pra evakuacyju dziaciej z rehijona.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary