Na Zaparožskaj AES adklučyłasia adna ź dźviuch elektralinij, što siłkujuć stancyju
Padčas maštabnaha rakietnaha napadu minułaj nočču adklučyłasia linija elektrapieradačy «Dniaproŭskaja», jakaja złučaje Zaparožskuju AES, jakuju kantralujuć rasijskija vojski, z enierhasistemaj Ukrainy, paviedamlaje ŭkrainski «Enierhaatam».
U vyniku ciapier stancyja złučanaja z ukrainskaj enierhasistemaj tolki adnoj ŁEP mienšaj mahutnaści, jakuju, pavodle paviedamleńnia «Enierhaatama», niadaŭna adramantavali paśla paškodžańniaŭ u vyniku čarhovaha rasijskaha abstrełu.
«Takaja situacyja vielmi niebiaśpiečnaja i pahražaje avaryjnaj situacyjaj. Kali adklučycca apošniaja linija suviazi z ajčynnaj enierhasietkaj, ZAES akažacca ŭ čarhovym błekaŭcie, što źjaŭlajecca ciažkim parušeńniem umoŭ biaśpiečnaj ekspłuatacyi stancyi», — skazaŭ kiraŭnik «Enierhaatama» Piotr Kocin.
«Enierhaatam» nahadaŭ, što z pačatku rasijskaj akupacyi AES pieražyła vosiem poŭnych błekaŭtaŭ i adzin častkovy.
«Radyjacyjny fon na stancyi i prylehłaj terytoryi bieź źmien i znachodzicca na ŭzroŭni, jaki adpaviadaje narmalnaj ekspłuatacyi enierhabłokaŭ i nie pieravyšaje naturalnych fonavych pryrodnych značeńniaŭ», — havorycca ŭ paviedamleńni ZAES, jakuju kantralujuć rasijanie.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary