28 sakavika adznačaje 90-hadovy jubilej pierakładčyk, vydaviec, paet, etnohraf, fiłołah, kandydat histaryčnych navuk Kastuś Ćvirka. Zasnavalnik i hałoŭny redaktar knižnaj sieryi «Biełaruski Knihazbor», jakaja vychodziła z 1996 hoda, piša bellit.info.
Kastuś Ćvirka naradziŭsia ŭ 1934 hodzie ŭ vioscy Zialonaja Dubrova Staradarožskaha rajona. U 1958 hodzie skončyŭ fiłfak BDU. U 1958-1959 hadach vykładaŭ biełaruskuju movu i litaraturu ŭ Truchanavickaj siaredniaj škole Kapylskaha rajona. Byŭ litaraturnym supracoŭnikam rajonnaj haziety «Rudzienskaja praŭda», redaktaram na Biełaruskim radyjo, staršym mietadystam respublikanskaha Doma narodnaj tvorčaści, staršym inśpiektaram Upraŭleńnia pa raspaŭsiudžvańni druku Ministerstva suviazi BSSR.
U 1972 hodzie skončyŭ aśpiranturu pry Instytucie mastactvaznaŭstva, etnahrafii i falkłoru AN BSSR i staŭ navukovym supracoŭnikam hetaha instytuta. Z 1981 hoda — staršy redaktar vydaviectva «Junactva», z 1984 h. — redaktar adździeła paezii časopisa «Połymia». Kandydat histaryčnych navuk. Z 1996 hoda aŭtar (časta jak pierakładčyk) i hałoŭny redaktar prajekta «Biełaruski Knihazbor».
Kastuś Ćvirka aŭtar mastackich narysaŭ, źviazanych ź litaraturnymi miaścinami Biełarusi, manahrafii «Słova pra Syrakomlu» i inšych, a taksama ŭkładalnik šerahu knih paezii, prozy i litaraturnych pierakładaŭ.
Z knižnym darobkam spadara Kastusia možna aznajomicca na staroncy Internet-biblijateki «Kamunikat».
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary