U Biełarusi źmianili zakon «Ab kredytnych historyjach». Adpaviedny dakumient padpisaŭ Alaksandr Łukašenka, paviedamlaje BiełTA. Źviestki z hetaha dakumienta ŭpłyvajuć na toje, daduć hramadzianinu Biełarusi hrošy ŭ banku ci nie.
Pałažeńni zakona, śćviardžajecca ŭ paviedamleńni pres-słužby Łukašenki, «nakiravanyja na pavyšeńnie ŭzroŭniu abaronienaści subjektaŭ kredytnaj historyi ad ašukanskich dziejańniaŭ, a taksama na praduchileńnie niadobrasumlennaha vykarystańnia kredytnych spravazdač karystalnikami kredytnych historyj».
Hałoŭnyja papraŭki zakranuli krynicy farmiravańnia kredytnych historyj. Da źmieny zakona da ich adnosilisia banki, MFA i lizinhavyja kampanii. Mienavita jany pieradajuć u Nacbank źviestki pa kredytnych i inšych damovach, jakija zaklučyli z hramadzianami, piša Tochka.by.
Ciapier śpis pašyryli i ŭklučyli ŭ jaho jurydyčnych asob, jakija realizujuć tavary, raboty, pasłuhi na ŭmovach adterminoŭki abo rasterminoŭki apłaty, naprykład, bujnyja anłajn-kramy (takija jak 21vek.by) i mabilnyja apieratary.
Raspracoŭščyki papravak u zakon №441-Ź ličać, što heta dazvolić bolš dakładna aceńvać kredytazdolnaść biełarusaŭ i nahruzku ŭ častcy daŭhoŭ. Pry hetym u kredytnyja historyi nie trapić infarmacyja pra damovy mikrapazyki, pa jakich hramadzianie pieradajuć łambardu ŭ zakład ruchomuju majomaść.
Heta źviazana z tym, što daŭhi pa takich mikrapazykach nie akazvajuć istotnaha ŭpłyvu na płaciežazdolnaść hramadzian i ich kredytnyja rejtynhi.
Novaŭviadzieńni zakranuć i kredytnyja spravazdačy.
Pa-pieršaje, hramadzianin zmoža zabaraniać Nacbanku davać spravazdaču pra jaho kredytnuju historyju bankam, MFA, lizinhavym firmam, mabilnym apierataram, arhanizacyjam handlu.
Pa-druhoje, ciapier sam hramadzianin moža atrymać kredytnuju spravazdaču biaspłatna dva razy na hod. Da papravak u zakon heta možna było zrabić tolki adzin raz.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary